IKEP Ame la itre ka ikep, ke angatre hi la ka ijije troa xatua epun. Drei angatre ju me trongëne la itre hna amekötine göi acili loto, me göi ami göhnë, me itre xane ju kö.

BAPATAISO Troa nue la itre göhnë qëmekene la ita ne cainöj thatraqane la itre ka troa xomi bapataiso. Tro angatr a canga lapa e cili, qëmekene troa cile fë la cainöj göi bapataiso e Mecixen hmakany. Loi e tro angatr a isa hnëkë trawel me nyine saze.

ITRE AHNAHNA Tru catr la itre ewekë hna itöne matre troa xatua së troa sine hnyawa la asabele me easenyi catre koi Iehova. Kola qaja la itre icea, me itre jia ne huliwa göi ikaho me video, me itre xaa ewekë ju kö. Jëne la itre ahnahna i epun, ijije hi troa të la itre depaas thatraqane la asabele me xatuane la huliwa ne cainöj e cailo fen. Hetrenyi la itre hnë kuië ahnahna hna amë amamane hnine la hnë asabele. Maine ijiji epuni hi troa kuië ahnahna jëne Ëternet, tro jë kowe la sit donate.jw.org. Ka nyipiewekë catre la itre ahnahna cili. Kola olene hnene la Lapa Ne Xomi Meköt la aqane hame i nyipunie, matre troa sajuëne la itre huliwa ne la Baselaia.

PREMIERS SECOURS Kola amekunë së ka hape, tro hi a tro kowe la biero celë la kola traqa la mec koi së.

ITRE EWEKË KA PATR Loi e troa hamëne itre ej ngöne lo hnë amë la itre ewekë ka patr. Maine traqa jë patr la ketre ewekë i epun, tro jë kowe la hnë cili. Thatraqane mina fe la itre nekönatre ka patr. Ame pe, tha hnë ithupë kö lai. Isa thupë hnyawane ju kö itre nekönatr.

GÖHNË Mekune kö la itre xan. Loi e tro hi a ami göhnë kowe la sipu fami epun, me kowe la itre ka ce ti loto me epun, me itre ka ce ini Tus me epun.

ITRE KA AJANE TROA IXATUA Ame la itre ka ajane troa ixatua, tro jë kowe la service des renseignements et des volontaires.

Qaathene La Lapa Ne Xomi Meköt Ne La Itre Temoë Iehova