Usa ka dapit sa Benjamin. Ingong usa ka ilhanan sa pagkompirmar sa pagkapangulo ni Saul sa Israel, iyang mahibalag ug madawat ang usa ka mensahe bahin sa nawalang mga asna sa iyang amahan gikan sa duha ka tawo “duol sa lubnganan ni Raquel sa teritoryo sa Benjamin didto sa Zelza.” (1Sa 10:​1, 2, 7) Ang mabasa sa hubad sa Gregong Septuagint maoy “milukso pag-ayo” inay nga “Zelza,” bisan tuod nga kining ulahi nga termino ang makita diha sa Hebreohanon nga Masoretikong teksto. Si Raquel gilubong sa usa ka dapit nga wala mahibaloi ‘samtang nagpaingon gikan sa Bethel paingon sa Betlehem’ (Gen 35:16-20), ug ang nahimutangan sa Zelza nagpabiling wala matino.