Usa sa mga tawong gamhanan ni David, usa ka Husahanon. (1Cr 11:​26, 29) Sa usa ka pagpakiggubat batok sa mga Filistehanon didto sa Gob, gipatay ni Sibecai si Sap (Sipai), usa sa mga samag-higante nga Repaim, sa ingon nabuntog ang mga kaaway. (2Sa 21:18; 1Cr 20:4) Sa dihang giorganisar ni David ang kasundalohan sa nasod sa relibohay nga pag-alagad sa matag bulan, si Sibecai gihimong tagdumala sa ikawalong dibisyon. (1Cr 27:​1, 11) Mopatim-aw nga gitawag siya ug Mebunai sa 2 Samuel 23:27.