1. Usa ka saserdote nga nagpatokar ug trompeta diha sa parada nga miduyog sa arka sa pakigsaad ngadto sa Jerusalem sa adlaw ni David.​—1Cr 15:​3, 24.

2. Usa ka balay o banay sa mga saserdote nga kaliwat sa amahan nga gihawasan ni Jose sa mga adlaw ni Joiakim nga manununod sa Hataas nga Saserdoteng si Jesua. (Neh 12:​12, 14) Diha sa halos susamang talaan sa mga saserdote nga namalik uban kang Zorobabel niadtong 537 W.K.P., ang ngalan ni Secanias ang makita inay nga kang Sebanias. (Neh 12:1-7) Panahon sa pagkagobernador ni Nehemias, usa ka membro sa samang banay o sa pipila ka indibiduwal nga saserdote nga may samang ngalan ang nagpamatuod sa pakigsaad sa nasod nga gihimo niadtong higayona.​—Neh 10:​1, 4, 8.

3. Usa sa mga Levihanon o usa ka hawas sa Levihanong banay nga may samang ngalan, katalirongan ni Esdras ug Nehemias, nga nanguna sa mga Hudiyo diha sa usa ka pag-ampo sa pagsugid sa sala, ug human niana sila naghimo ug nagtimbre ug usa ka pakigsaad sa pagkamatinumanon.​—Neh 9:​4, 5, 38; 10:​1, 9, 10.

4. Laing Levihanon nga nagpamatuod sa samang kasaligang kontrata, pinaagi sa iyang kaugalingong ngalan o kaha sa ngalan sa usa ka katigulangan.​—Neh 9:38; 10:​9, 12.