[Gitigom sa Diyos].

Usa ka siyudad sa habagatang bahin sa Juda. (Jos 15:21) Gituohan nga lagmit mao kini ang Khirbet Hora (Horvat Hur), mga 10 km (6 mi) sa SAS sa Beer-seba. Ang Hebreohanong teksto sa 2 Samuel 23:20 ug 1 Cronicas 11:22 giinterpretar sa lainlaing paagi nga nagkahulogang ang Kabzeel mao (1) ang pinuy-anan sa iladong manggugubat nga si Benaias, (2) ang pinuy-anan sa usa sa iyang mga katigulangan o ang dapit diin naghimo siya ug bantogang mga buhat, o (3) ang dapit nga gihimo ang daghang buhat ni Benaias. (Itandi ang AS; KJ; JB; Le; NW; RS.) Ang laing porma sa ngalan, ang “Jekabzeel,” makita sa Nehemias 11:25 diha sa usa ka talaan sa kabalangayan sa Juda human sa pagkadestiyero.