[Mga Tanga].

Usa ka tungasanan sa HS nga utlanan sa Juda nga nahimong usa ka utlanan sa teritoryo sa dihang ang Canaan gibahinbahin ngadto sa Israel. (Num 34:4; Huk 1:36) Kini nahimutang mga 29 km (18 mi) sa HK sa habagatang tumoy sa Patayng Dagat ug haduol sa Kamingawan sa Zin. Kining dapita gituohan nga mao ang presenteng-adlaw nga Naqb es-Safa (Maʽale ʽAqrabbim), diin ang dalan gikan sa Beer-seba paingon sa Araba kalit nga midulhog ngadto sa Wadi Murra (Nahal Zin). Lagmit nga mao kini ang gingalan niini tungod sa kadaghan sa tanga niining desyertong dapit o tingali tungod sa pagkurbakurba sa dalan niini sama sa ikog sa usa ka tanga. Dayag nga usa kini ka karaang ruta aron makalugsong ngadto sa Edom ug sa H sa ʽAqaba didto sa Gulpo sa ʽAqaba.