1. Anak nga lalaki ni Bela, usa ka Benjaminhon.​—1Cr 8:​1, 3.

 2. Usa ka lungsod sa habagatang utlanan sa Juda nga nahimutang duol sa Kades-barnea. (Jos 15:3) Sa asoy ni Josue kini gitala nga nahimutang tali sa Hesron ug Karka, apan sa Numeros 34:4 mopatim-aw nga ang ngalang Hesron (nagkahulogang “Sawang; Balangay”) gikombinar sa Addar aron mahimong Hazar-addar, sanglit ang mga asoy managsama. Ang librong Biblical Archaeology (ni G. E. Wright, 1962, p. 71) nagsugyot nga ang posibleng lokasyon niini mao ang ʽAin el-Qudeirat, diin ang usa ka kanunayng nag-agos nga tubod nagpatubig sa usa ka gamay apan tabunok nga walog. Kini nahimutang nga mga 8 km (5 mi) sa AAK sa ʽAin Qedeis, ang posibleng lokasyon sa Kades-barnea.