Sulugoong babaye ni Lea ug usa sa mga segundaryong asawa ni Jacob. Si Zilpa maoy sulugoon kanhi ni Laban nga amahan ni Lea hangtod nga si Lea ug Jacob nagminyo niadtong 1774 W.K.P., sa dihang siya gihatag kang Lea. (Gen 29:24) Human si Lea makabaton ug upat ka anak nga lalaki ug nagtuong siya dili na manganak, iyang gihatag si Zilpa kang Jacob ingong segundaryong asawa. Unya nanganak si Zilpa kang Gad ug Aser, kinsa nakabaton usab ug daghang mga anak. (Gen 30:9-13; 35:26; 37:2; 46:16-18) Si Zilpa nagpabilin uban sa panimalay ni Jacob sulod sa ilang daghang panaw.​—Gen 32:22; 33:​1, 2.