2 Corinto 2:1-17
2 Kay mao kini ang gikahukom ko sa akong kaugalingon, nga dili moanha kaninyo pag-usab sa kasubo.+
2 Kay kon pasub-on ko kamo,+ kinsa sa pagkatinuod ang makalipay kanako gawas ra usab kaniya nga akong gipasubo?
3 Ug busa gisulat ko kining butanga mismo, aron nga, sa dihang ako moabot, ako dili masubo+ tungod kanila nga ako angayng magmaya;+ tungod kay ako may pagsalig+ kaninyong tanan nga ang kalipay nga akong nabatonan maoy kalipay ninyong tanan.
4 Kay gikan sa daghang kasakitan ug tumang kaguol sa kasingkasing ako nagsulat kaninyo inubanan sa daghang luha,+ dili aron kamo masubo,+ kondili aron kamo mahibalo sa gugma nga akong nabatonan ilabina gayod alang kaninyo.
5 Karon kon aduna may nagpahinabog kasubo,+ siya nagpasubo, dili kanako, kondili kaninyong tanan sa usa ka sukod—dili ingong mapig-oton ra kaayo sa akong gisulti.
6 Kini nga pagbadlong+ nga gihatag sa kadaghanan igo na sa maong tawo,
7 mao nga, sa kasukwahi karon, angay kamong malulotong magpasaylo+ ug maghupay kaniya, aron ang maong tawo dili lamyon sa iyang tumang kasubo.+
8 Busa ako magaawhag kaninyo nga pamatud-an ang inyong gugma+ kaniya.
9 Kay tungod niini ako nagasulat usab aron tinoon ang pamatuod ninyo, kon kamo ba masinugtanon sa tanang butang.+
10 Bisan unsa nga inyong malulotong ipasaylo kang bisan kinsa, pasayloon ko usab.+ Sa pagkatinuod, alang kanako, bisan unsa nga akong malulotong gipasaylo, kon may bisan unsa man nga maluloton nakong gipasaylo, kini tungod kaninyo sa atubangan ni Kristo;
11 aron kita dili malupigan ni Satanas,+ kay kita dili kay walay alamag sa iyang mga laraw.+
12 Karon sa pag-abot nako sa Troas+ aron sa pagpahayag sa maayong balita bahin kang Kristo, ug usa ka pultahan ang nabuksan alang kanako diha sa Ginoo,+
13 wala ako makabaton ug kahupayan sa akong espiritu tungod kay wala ko makaplagi si Tito+ nga akong igsoon, hinuon ako nanamilit kanila ug migikan paingon sa Macedonia.+
14 Apan salamat sa Diyos nga kanunayng nanguna+ kanato diha sa parada sa kadaogan kauban+ ni Kristo ug naghimo sa alimyon sa kahibalo kaniya nga daling mamatikdan pinaagi kanato diha sa tanang dapit!+
15 Kay alang sa Diyos kita maoy humot nga alimyon+ ni Kristo taliwala niadtong ginaluwas ug taliwala niadtong nagakalaglag;+
16 sa mga ulahi usa ka alimyon nga nagagikan sa kamatayon ngadto sa kamatayon,+ sa mga nauna usa ka alimyon nga nagagikan sa kinabuhi ngadto sa kinabuhi. Ug kinsa ang nakabaton ug igong katakos niining mga butanga?+
17 Kami; kay kami dili mga tigbaligya sa pulong sa Diyos+ ingon sa daghang tawo,+ apan tungod sa katim-os, oo, ingon nga mga pinadala gikan sa Diyos, ilalom sa panan-aw sa Diyos, kauban ni Kristo, kami nagasulti.+
