An simbag kan Bibliya

 Itinutukdo nin dakul na relihiyong Kristiyano na an Diyos sarong Trinidad. Pero, mangnuhon an sinasabi kan Encyclopædia Britannica: “An tataramon na Trinidad ni an paliwanag sa doktrinang iyan dai minalataw sa Bagong Tipan . . . An doktrina luway-luway na nabilog sa laog nin nagkapirang siglo asin sa ibong nin dakul na kontrobersiya.”

 An totoo, an Diyos na sinasabi sa Bibliya dai lamang ilinadawan na parte kan sarong Trinidad. Pag-isipan an mga tekstong ini sa Bibliya:

 “Si Jehova na satuyang Diyos saro sana na Jehova.”—Deuteronomio 6:4.

 “Ika, na an pangaran Jehova, ika sana an Kahuruhalangkawi sa bilog na daga.”—Salmo 83:18.

 “Ini nangangahulugan nin buhay na daing katapusan, an mamidbid ninda ika, an iyo sanang tunay na Diyos, asin an saro na saimong isinugo, si Jesu-Cristo.”—Juan 17:3.

 “An Diyos saro sana.”—Galacia 3:20.

 Taano ta sinasabi kan kadaklan na relihiyong Kristiyano na an Diyos sarong Trinidad?