Dalisay na Pagsamba ki Jehova—Ibinalik Na!
An libro sa Bibliya na Ezekiel igwa nin dakul na propesiya na nakapokus sa pagbabalik kan dalisay na pagsamba. Paano kita kalabot sa mga propesiyang ini?
Surat Hali sa Namamahalang Grupo
Udok sa puso ming minamawot na makatabang saindo an librong ini na itao ki Jehova an dalisay na pagsamba na maninigo nanggad sa saiya.
Paliwanag Para sa Espesyal na mga Feature
An mga kahon asin mga time line nagtatao nin dagdag na impormasyon na matabang para mas mapararom an saimong pakasabot.
KAPITULO 1
“Si Jehova na Saimong Diyos an Dapat Mong Sambahon”
Paagi sa pagpakana nin rebelyon sa Eden, dai sana kinuwestiyon ni Satanas an deretso ni Jehova na mamahala, kundi inatake niya man an dalisay na pagsamba.
KAPITULO 2
“Inuyunan nin Diyos” an mga Regalo Ninda
Ipinapahiling kan halimbawa na itinao kan mga lalaking may pagtubod na igwa nin apat na panginot na kahagadan para akuon nin Diyos an satong pagsamba.
SEKSIYON 1
“Nabuksan an Kalangitan”
KAPITULO 3
“Nagpuon Akong Makahiling nin mga Bisyon Hali sa Diyos”
Sobrang napangalas si Ezekiel sa inot na bisyon na nahiling niya. An bisyon na iyan pano nin kahulugan para sa maimbod na mga lingkod nin Diyos ngunyan.
KAPITULO 4
Sairisay an “mga Buhay na Linalang na May Apat na Lalawgon”?
Nagtao si Jehova nin mga visual aid ki Ezekiel na makakatabang sa sato para masabutan an mga bagay na dai ta nahihiling.
KAPITULO 5
“Hilingon Mo an Maraot Saka Makababalding mga Bagay na Ginigibo Ninda”
Nahiling ni Ezekiel an makagurugirabong mga eksena na nagpapahiling kan marauton na kamugtakan sa espirituwal kan bilog na nasyon.
KAPITULO 6
“Nag-abot Na sa Saimo Ngunyan an Katapusan”
An mga propesiya na iinakto ni Ezekiel mga hula na nagpapahayag kan kaanggutan ni Jehova sa Jerusalem.
KAPITULO 7
Mamimidbid Nanggad kan mga Nasyon na Ako si Jehova
An mga nasyon na nagpakaraot sa pangaran ni Jehova asin nagpersegir o nang-impluwensiya sa saiyang banwaan dai makakadulag sa mga konsekwensiya kan saindang mga ginibo. Anong mga leksiyon an manunudan ta sa pakikiiba kan Israel sa mga nasyon na idto?
KAPITULO 8
“Tatawan Ko Sinda nin Sarong Pastor”
Pinasabngan nin Diyos si Ezekiel na magpropesiya manungod sa Mesiyas, an magigin Tagapamahala asin Pastor kan banwaan ni Jehova, na permanenteng mabalik kan dalisay na pagsamba.
KAPITULO 9
“Tatawan Ko Sinda nin Nagkakasararong Puso”
Igwa daw nin kahulugan sa sato an mga propesiya na itinao sa maimbod na mga Judiong idinistiyero sa Babilonya?
KAPITULO 10
“Mabubuhay Kamo”
Sa sarong bisyon, nahiling ni Ezekiel an sarong kababan na pano nin alang na mga tulang, asin nagkaburuhay an mga iyan. Ano an kahulugan kaiyan?
KAPITULO 11
“Itinalaga Taka Bilang Bantay”
Ano an papel asin mga paninimbagan kan bantay na ini? Anong patanid an ipapahayag niya?
KAPITULO 12
“Gigibuhon Ko Sindang Sarong Nasyon”
Nanunuga si Jehova na pagkakasararuon niya an saiyang banwaan.
KAPITULO 13
“Iladawan Mo an Templo”
Ano an kahulugan kan templo na nahiling ni Ezekiel sa sarong bisyon?
KAPITULO 14
“Ini an Katugunan kan Templo”
Anong mga leksiyon sa bisyon ni Ezekiel manungod sa templo an posibleng nanudan kan mga Judio kan panahon niya? Asin ano an kahulugan kan bisyon para sa sato ngunyan?
KAPITULO 15
“Tatapuson Ko an Pagigin Hostes Mo”
Ano an manunudan ta sa mga paglaladawan sa Ezekiel asin Kapahayagan manungod sa mga hostes?
KAPITULO 16
“Markahan Mo an Angog”
May halaga sa sato an paagi kun paano binugtakan nin marka an mga maimbod kan panahon ni Ezekiel.
KAPITULO 17
“Mahiro Ako Laban Saimo, O Gog”
Siisay si Gog nin Magog, asin anong daga an sinasalakay niya?
KAPITULO 18
“Malaad an Grabeng Kaanggutan Ko”
Maaanggot si Jehova dahil sa pagsalakay ni Gog, kaya idedepensa niya an saiyang banwaan.
KAPITULO 19
“An Gabos Mabubuhay sa Gabos na Lugar na Pigbubulusan kan Salog”
Taano ta masasabi ta na an salog sa bisyon ni Ezekiel na nagbubulos hali sa templo nautob kaidto, nauutob ngunyan, asin mauutob sa maabot na panahon?
KAPITULO 20
‘Pagbanga-bangaon Nindo an Daga Bilang Mana’
Sa sarong bisyon, ipinagbuot nin Diyos ki Ezekiel asin sa mga kapwa niya nadistiyero na pagbanga-bangaon an Dagang Panuga sa mga tribo kan Israel.
KAPITULO 21
‘An Magigin Pangaran kan Siyudad Iyo Ini, Si Jehova Yaon Diyan’
Anong mga leksiyon an manunudan ta sa bisyon ni Ezekiel manungod sa siyudad asin sa makahulugan na pangaran kaiyan?
KAPITULO 22
“Sambahon Mo an Diyos”
Katuyuhan kan publikasyon na ini na pakusugon an satong determinasyon na an Diyos na Jehova sana an sambahon.
Sumaryo kan mga Paglilinaw
Taano ta binago an satong pakasabot sa nagkapirang propesiya sa libro nin Ezekiel?
KAHON 1A
Ano an Buot Sabihon nin Pagsamba?
Ano talaga an kahulugan kan pagsamba? Paano iyan itinampok sa libro nin Ezekiel? Ano an kalabot sa dalisay na pagsamba?
KAHON 1B
Sumaryo kan Ezekiel
An libro puwedeng banga-bangaon sigun sa pagkasurunod-sunod kan mga pangyayari asin uyon sa tema.
KAHON 2A
Sabuton an mga Propesiya ni Ezekiel
An librong ini igwa nin mga bisyon, ilustrasyon, parabula, asin pag-akto. An dakul sa mga ini mga ipinasabong na mensahe hali sa Diyos manungod sa mga bagay na maabot.
KAHON 2B
An Buhay Asin Kapanahunan ni Ezekiel
Dakul na iba pang propeta an aktibo sa paglilingkod kan panahon ni Ezekiel. Nabuhay si Ezekiel kan mangyari an mahahalagang pangyayari sa kasaysayan kan saiyang banwaan.
KAHON 3A
An Halawig na Ruta Pasiring sa Babilonia
Anong ruta an posibleng inagihan kan mga Judiong idinistiyero hali sa Juda pasiring sa Babilonya?
KAHON 4A
“Pinagmamasdan Ko an mga Buhay na Linalang”
Ano an pagkakalain kan apat na linalang na nahiling ni Ezekiel sa bisyon asin kan mga darakulaon na estatuwa sa suanoy na Asiria saka Babilonia?
KAHON 5A
“Aki nin Tawo, Nahihiling Mo Ini?”
May nahiling si Ezekiel na apat na makababalding mga bagay sa templo asin sa patyo kaiyan.
KAHON 6A
“Ahiton Mo an Buhok Mo sa Payo Saka an Saimong Barabas”
Sa paggiya nin Diyos, iinakto ni Ezekiel an propesiya manungod sa madali nang mangyari sa Jerusalem.
KAHON 7A
An mga Nasyon na Nakapalibot sa Jerusalem
Dakul an nangyaring labanan sa Juda saka sa kataid na mga nasyon huli sa pag-aragawan nin kapangyarihan.
KAHON 7B
Mahahalagang Tataramon sa Libro nin Ezekiel
Dakul na beses na naglataw an partikular na mahahalagang mga pananaram sa propetikong libro na ini.
KAHON 8A
Propesiya Manungod sa Mesiyas—An Magayunon na Kahoy na Sedro
Ano an kahulugan kan talinhaga na nasa Ezekiel kapitulo 17?
KAHON 8B
Tulong Propesiya Manungod sa Mesiyas
Nagpropesiya si Ezekiel na makakapagtiwala kita sa magigin lider kan mga lingkod nin Diyos.
KAHON 9A
Inuutob ni Jehova an Saiyang mga Panuga—Suanoy na mga Panahon
Pinasabngan nin Diyos si Ezekiel na magpahayag nin limang propesiya manungod sa pagpatalingkas asin pagbabalik.
KAHON 9B
Taano ta 1919?
Taano ta sinasabi niyato na an banwaan nin Diyos nakatalingkas sa pagkauripon sa Dakulang Babilonya kan 1919?
KAHON 9C
Inuutob ni Jehova an Saiyang mga Panuga—Presenteng mga Panahon
Paano nagkaigwa nin duwang kautuban an pira sa mga panuga nin Diyos?
KAHON 9D
Mga Propesiya Manungod sa Pagkabihag Asin Pagbabalik
An mga propesiya manungod sa pagkabihag kan mga Judio sa suanoy na Babilonya asin an saindang pagbabalik nagkaigwa nin mas dakulang kautuban kan an Kristiyanong kongregasyon nagin bihag kan Dakulang Babilonya dangan kan huri nakabalik.
KAHON 9E
“An mga Panahon nin Pagbabalik sa Dati kan Gabos na Bagay”
Pinasabngan si apostol Pedro na maghula manungod sa sarong peryodo nin panahon na mapuon sa pagpatukaw ki Cristo sa trono asin masagkod sa katapusan kan Sangribong Taon.
KAHON 10A
Dalisay na Pagsamba—Luway-luway na Ibinalik
Anong mga pangyayari an nagbukas kan dalan para sa gibuhon na paghuhulit sa presenteng panahon?
KAHON 10B
“Mga Alang na Tulang” Asin “Duwang Saksi”—Paano Sinda Magkakonektar?
Paano nautob an mga propesiyang ini sa presenteng panahon?
KAHON 10C
Tabang Para Makatindog Giraray Kita
Kun minsan, nagagabatan na kitang marhay asin napapagal na, pero mapapakusog kita kan bisyon manungod sa mga alang na tulang na nabuhay.
KAHON 11A
Nagkapirang Marahay na Halimbawa na mga Bantay
Napaatubang sinda sa pagkontra, nagdanay na maimbod, asin nagpahayag nin mga patanid saka maugmang bareta.
KAHON 12A
An Pagdukot sa Duwang Pidaso nin Kahoy
Kiisay nagrerepresentar an mga pidaso nin kahoy sa suanoy asin presenteng mga panahon?
KAHON 13A
Magkalain na Templo, Magkalain na Leksiyon
Ano an pagkakalain kan templo na nahiling ni Ezekiel sa templo na ilinadawan ni apostol Pablo?
KAHON 14A
Mga Leksiyon sa Bisyon ni Ezekiel Manungod sa Templo
Anong mga leksiyon sa bisyon ni Ezekiel manungod sa templo an gusto mong iaplikar sa saimong pagsamba?
KAHON 15A
An Magtugang na Hostes
An paglaladawan ni Jehova ki Ohola asin Oholiba nagpapahiling kun ano an sabuot niya sa mga nagbibiribid kan katotoohan manungod sa saiyang banal na pangaran asin sa saiyang mga pamantayan sa dalisay na pagsamba.
KAHON 16A
An Kakristiyanuhan Daw an Antitipiko kan Jerusalem?
Taano ta binago niyato an satong pakasabot?
KAHON 16B
Pagkapurisaw Saka Pag-agrangay, Pagmarka, Pagrunot—Nuarin Asin Paano?
An bisyon na nakarekord sa Ezekiel kapitulo 9 matabang sa sato para kusog-buot niyatong maatubang an katapusan kan sistemang ini nin mga bagay.
KAHON 18A
Nagpapatanid si Jehova sa Nagdadangadang na Dakulang Ralaban
Ihinula kan Bibliya na magkakaigwa nin pangultimong ralaban kun sain paparaon kan Diyos na Jehova an gabos na nagkokontra sa saiya.
KAHON 19A
Mga Salog nin mga Bendisyon na Hali ki Jehova
Nagkapirang kagsurat kan Bibliya an naggamit nin parehong ilustrasyon para iladawan an mga bendisyon ni Jehova.
KAHON 19B
An Turo Nagin Dakulang Salog!
Ano an irinerepresentar kan salog na nagbubulos hali sa santuwaryo nin Diyos?
KAHON 20A
An Pagbanga-banga kan Daga
An bisyon ni Ezekiel manungod sa pagbanga-banga kan daga nakapakusog bako lang sa mga Judiong nadistiyero kaidto sa Babilonya kundi pati man sa mga lingkod nin Diyos ngunyan.
KAHON 21A
“An Kontribusyon na Itatagama Nindo”
Ano an limang parte kan dagang itinagama nin Diyos? Para sa anong katuyuhan an mga iyan?
KAHON 22A
Pag-atubang sa Pangultimong Pagbalo
Anong mga bendisyon an aakuon kan mga makakapasar sa pangultimong pagbalo?
