LEKSIYON 11
Kun Paano Ka Makikinabang na Marhay sa Bibliya
Nagkaigwa ka na daw nin dakulang proyekto na sa puon garo masakiton? Para mas magin pasil iyan, tibaad padikit-dikit mo lang iyan na ginibo o binaranga-banga mo an gibuhon. Arog man kaiyan sa pagbasa nin Bibliya. Tibaad maihapot mo, ‘Sain ako mapuon?’ Sa leksiyon na ini, pag-uulayan ta an nagkapirang simpleng mga bagay na magigibo mo tanganing ma-enjoy mo an pagbasa saka an pag-adal nin Bibliya.
1. Taano ta dapat tang regular na basahon an Bibliya?
Kun regular tang babasahon an Bibliya, o “an katugunan ni Jehova,” magigin maugma asin mapanggana kita. (Basahon an Salmo 1:1-3.) Sa primero, purbaran na magbasa nin Bibliya nin mga pirang minuto sana kada aldaw. Mantang mas nagigin pamilyar ka sa Tataramon nin Diyos, mas mai-enjoy mo man an pagbasa kaiyan.
2. Ano an makakatabang sa saimo para makinabang ka sa pagbasa nin Bibliya?
Tanganing makinabang na marhay sa pagbasa nin Bibliya, kaipuhan tang pumundo nguna asin isip-isipon an satong binabasa. Dapat tang basahon asin “hurop-hurupon” iyan. (Josue 1:8, nota sa ibaba) Mantang nagbabasa ka, puwede mong haputon an saimong sadiri: ‘Ano an sinasabi kaini sa sako manungod sa Diyos na Jehova? Paano ko ini maisasabuhay? Paano ko magagamit an tekstong ini para tabangan an iba?’
3. Paano ka magkakaigwa nin oras sa pagbasa nin Bibliya?
Pagmati mo daw garo mayo ka nang panahon para magbasa nin Bibliya? Kadaklan sa sato arog kaiyan. Hinguwahon na gamiton “sa pinakamarahay an [saimong] panahon.” (Efeso 5:16) Magigibo mo ini paagi sa pag-iskedyul nin espesipikong oras sa pagbasa nin Bibliya aroaldaw. An iba amay na aga an iskedyul sa pagbasa nin Bibliya. May mga nagbabasa man sa ibang oras arog kun lunch break. Igwa man nin mga nagbabasa nin Bibliya sa banggi bago magturog. Ika, ano man an pinakamarahay na oras para saimo?
ARAMON PA
Aramon kun paano mo mas mai-enjoy an pagbasa nin Bibliya. Aramon man kun paano ka makakapaghanda na marhay para lalo kang makinabang sa pakikipag-adal mo nin Bibliya.
Kun paanong puwede tang magustuhan an kakanon na dai ta nakatudan, puwede ta man magustuhan asin ma-enjoy an pagbasa nin Bibliya
4. Kun paano mo mai-enjoy an pagbasa nin Bibliya
Puwedeng bakong madali na punan an pagbasa nin Bibliya. Pero, puwede mong magustuhan na marhay iyan, kun paanong puwede mong magustuhan an sarong kakanon na ngunyan mo pa sana mananamitan. Basahon an 1 Pedro 2:2, dangan pag-ulayan an hapot na ini:
-
Para ma-enjoy mo an pagbasa kan Bibliya, sa hiling mo makakatabang daw kun aroaldaw mo iyan na babasahon?
I-play an VIDEO para maaraman kun paano nai-enjoy kan iba an pagbasa nin Bibliya. Dangan pag-ulayan an mga hapot.
-
Sa video, anong mga kadipisilan an napangganahan kan mga hoben?
-
Ano an nakatabang sainda para regular nindang mabasa an Bibliya?
-
Ano an mga ginibo ninda para mas mag-enjoy sinda sa pagbasa nin Bibliya?
Tips para makapuon sa pagbasa nin Bibliya:
-
Magpili nin bersiyon nin Bibliya na mapagtitiwalaan saka madaling masabutan. Purbaran na gamiton an Bagong Kinaban na Traduksiyon kan Banal na Kasuratan kun igwa na kaiyan sa saindong lengguwahe.
-
Inuton su mga parte kan Bibliya na sa hiling mo magayon basahon. Para magkaigwa ka nin ideya, hilingon an tsart na “Punan na Basahon an Bibliya.”
-
Isurat an mga natapos mo nang basahon. Gamiton an tsart na “Rekord kan Pagbasa Ko nin Bibliya” na yaon sa publikasyon na ini.
-
Gamiton an JW Library®app. Puwede mo diyan mabasa an Bibliya o madangog an rekording kaiyan sa dakul na lengguwahe dawa sain gamit an smartphone mo o iba pang gadyet.
-
Gamiton an mga apendise kan Bagong Kinaban na Traduksiyon. Igwa diyan nin mga mapa, tsart, saka glosaryo na makakatabang para mas ma-enjoy mo an pagbasa.
5. Maghanda para sa pag-adal mo nin Bibliya
Basahon an Salmo 119:34, dangan pag-ulayan an hapot na ini:
-
Taano ta marahay kun mamimibi ka nguna bago magbasa nin Bibliya o bago maghanda para sa sunod na sesyon nin pag-adal sa Bibliya?
Paano ka makikinabang na marhay sa kada sesyon nindo nin pag-adal? Mantang naghahanda ka sa kada leksiyon, purbaran ini:
-
Basahon an inot na mga parapo kan leksiyon.
-
Hanapon saka basahon an mga teksto, asin isip-isipon kun paano iyan konektado sa pinag-aadalan.
-
Kuritan an importanteng mga tataramon o frase na simbag sa kada hapot; makakatabang ini mantang pinag-uulayan nindo kan nagtutukdo sa saimo an leksiyon.
Aram mo daw?
Naggagamit an mga Saksi ni Jehova nin manlain-lain na bersiyon nin Bibliya. Pero mas gusto ming gamiton an Bagong Kinaban na Traduksiyon kan Banal na Kasuratan huli ta iyan tama asin malinaw, saka ginagamit kaiyan an pangaran kan Diyos.—Hilingon an artikulo sa jw.org/bcl na “May Sadiring Bibliya Daw an Mga Saksi ni Jehova?”
MAY MGA NAGSASABI: “Masakit saka makipanahon an pag-adal nin Bibliya. Dai ko kaya ’yan.”
-
Ano sa hiling mo?
SUMARYO
Tanganing makinabang na marhay sa Bibliya, magkaigwa nin iskedyul sa pagbasa kaiyan, mamibi na masabutan mo an binabasa mo, saka maghanda para sa masurunod na sesyon nin pag-adal sa Bibliya.
Rebyu
-
Ano an makakatabang para makinabang kang marhay sa Bibliya?
-
Ano an pinakamarahay na oras para saimo na personal na magbasa saka mag-adal nin Bibliya?
-
Taano ta mas makikinabang ka kun mahanda ka sa kada sesyon nin pag-adal nin Bibliya?
HILINGON MAN
Hilingon an nagkapirang ideya na makakatabang saimo para makinabang ka sa pagbasa nin Bibliya.
“Paano Ka Urog na Makikinabang sa Pagbasa nin Bibliya?” (An Torrengbantayan Num. 1 2017)
Aramon an tulong paagi kun paano mo puwedeng basahon an Bibliya.
“Paano Makakatabang sa Sako an Bibliya?—Part 1: Basahon an Saimong Bibliya” (Artikulo sa jw.org/bcl)
Aramon kun paano mo mai-enjoy an pagbasa nin Bibliya.
Makanuod nin tips sa pag-adal sa mga haloy nang nagbabasa nin Bibliya.
Puwede Mo Man Magustuhan
PARATING MGA IHINAHAPOT
Ano an Pag-adal sa Bibliya na Iinaalok kan mga Saksi ni Jehova?
Sa interactive na programa nin pag-adal na iinaalok kan mga Saksi ni Jehova, puwede mong gamiton an arin man na traduksiyon nin Bibliya. Dai mag-alangan na imbitaran an saimong bilog na pamilya o an siisay man sa mga amigo mo na umiba saimo.
