AN KATUYUHAN KAN PUBLIKASYON NA INI

Dinadagka kan Diyos na Jehova an saiyang mga lingkod na ‘padagos na hanapon’ an pakasabot asin pakamansay, na garo baga naghahanap sinda nin “nakatagong kayamanan.” (Tal. 2:1-5) Nangangahulugan iyan na kaipuhan tang maghinguwa na mahanap an simbag sa mga hapot niyato sa Bibliya asin an mga sadol na makakatabang sa sato sa mga problema ta sa buhay. Dinisenyo an Giya sa Pag-research para tabangan ka sa paghanap mo kan mga iyan.

Bako ining sarong indise na diyan nakalista an gabos na tema na tinukar sa satong mga publikasyon. Alagad sa kada temang nakalista, may mga reperensiya na nagtatampok nin pinakabago asin konektadong mga impormasyon na hali sa satong imprentadong mga publikasyon, sa mga artikulong sa jw.org sana mahihiling, asin sa mga video.

KUN PAANO MAPUON SA PAGHANAP

An publikasyon na ini igwa nin duwang klase nin reperensiya. Inot, puwede kang maghanap nin mga impormasyon uyon sa tema. An panginot na mga tema nakalista sigun sa pagkasunod-sunod kan alpabeto. Sa lambang panginot na tema, igwa nin mga subtema. Asin sa lambang subtema, igwa man nin mga tema. Makakatabang iyan sa saimo sa pag-research mo. Halimbawa, sa DAVID (Hadi) › MGA LEKSIYON › KAHADITAN, makakahanap ka nin mga leksiyon manungod sa kahaditan sa mga nagin eksperyensiya ni David sa buhay niya.

Ikaduwa, makakahanap ka nin mga impormasyon manungod sa espesipikong mga bersikulo sa Bibliya sa irarom kan mga tema na pig-ayos sigun sa teksto. An mga bersikulo sanang may paliwanag an yaon sa listang ini.

Para sa dagdag na impormasyon, hilingon an videong Tutorial Para Epektibong Magamit an “Giya sa Pag-research” sa jw.org.

Tandaan na an paghanap mo nin nakatagong kayamanan mangangaipo nin panahon asin paghihinguwa. Kaya magin mapasensiya pag may hinahanap kang espesipikong simbag o sadol. Mantang mas ginagamit mo an Giya sa Pag-research, nagigin mas madali asin mas nakaka-enjoy an paghanap mo kan impormasyon na kaipuhan mo. Babalusan ni Jehova an saimong mga paghihinguwa asin tatabangan ka niyang mahanap an kadunungan asin pakasabot.—Tal. 2:6; 4:5.