Binago an disenyo kan seksiyon na “Tukdo kan Bibliya” sa jw.org tanganing mas pasil an paghanap kan mga laog kaiyan base sa tema. Ini an pira sa mga tampok na pagbabago:

• An bagong subsection na “Kasaysayan Asin an Bibliya” nagtatao nin mga impormasyon dapit sa kun paano naingatan, naitradusir, asin naidistribwir an Bibliya asin kun paano nagtatao nin patunay an bagong mga nadidiskubre sa pagigin eksakto kaiyan kun dapit sa kasaysayan.

• An bagong subsection na “Katuninungan Asin Kaugmahan” nagpapaliwanag kun paano ka matatabangan kan Bibliya na makayanan an mga problema sa aroaldaw saka makamati nin kaugmahan asin katuninungan dawa napapaatubang sa komplikadong mga problema.

• An bagong subsection na “Siyensiya Asin an Bibliya” nagpapahiling kun paano ihinahayag kan mga linalang sa palibot an pagigin eksakto kan Bibliya kun dapit sa siyensiya.

• Binago an subsection na “Simbag sa mga Hapot sa Bibliya” para mas pasil an paghanap nin mga hapot sa sarong partikular na tema.

• An subsection na “Pag-aguman Asin Pamilya,” na dating “Mag-agom Asin Magurang,” nagtatao nin praktikal na mga sadol sa Bibliya na makakatabang na magin mapanggana an saindong pag-aguman asin an pagpapadakula sa saindong mga aki.