An sèksyon sala, nou kay apwann mannyè adan jenn moun, pwofèt, èk wa té moutwé yo ni an chay lafwa an Jéhova. An péyi Siriya, la té ni on jenn tifi ki té jan Izwayèl. I té ni konfyans pwofèt Jéhova té kay sa djéwi Némann. Pwofèt Ilaycha pa té ni pyès dout Jéhova té kay pwotéjé’y kont lèlmi’y. Atalaya, gwanmanman Jéhowach té byen mové èk i té vlé tjwé Jéhowach. Mé Chèf Pwèt Djèhòyada wiské lavi’y pou pwotéjé Jéhowach, ki té byen jenn. Wa Hèzèkaya té ni konfyans Jéhova té kay délivwé Jérouzalèm. A kòz di sa, i pa kité jan Asiriya fè’y pè. Wa Josaya kwazé tout idòl ki té an péyi-a. I osi wanjé tanp-lan, èk i édé nasyon-an koumansé sèvi Jéhova ankò.