An sèksyon sala, nou kay diskité pòsyon Bib-la ki té ékwi an langaj Gwik. Jézi épi fanmi’y té ka wèsté adan on piti vil, èk yo pa té ni djè lajan. Papa Jézi sété on chapantyé, èk Jézi té ka twavay épi’y. Mé, Jézi sété moun-lan ki té kay sové lézòm anba péché épi lanmò. Osi, Jéhova té chwazi Jézi pou vini Wa, an Wéyòm-lan. Si’w sé on pawan, édé ich ou pou konpwann mannyè Jéhova chwazi on bon fanmi pou lévé Jézi, èk on bon plas pou Jézi lévé adan. Édé yo pou wè mannyè Jéhova té pwotéjé Jézi pou Hèròd pa tjwé’y. Èk édé yo pou konpwann, la pa ni anyen ki sa anpéché Jéhova fè divwa’y. Moutwé ich ou mannyè Jéhova té bay Jan wèskonsabilité-a pou fè moun konnèt, Jézi té kay vini. Osi, dépi Jézi té toupiti, i moutwé i té pli simyé swiv konsèy Bondyé, pasé pou’y dépan asou katjil li menm. Fè asiwé ich ou byen konpwann pwen sala.