Mémoriyal Lanmò Jézi
Lendi, Li 22 Mas, 2027
Yon fwa chak lanné, Témwen Jéhova ka òbzòvé Denyé Wipa Senyè-a. Nou ka fè sa paski nou ka obéyi koumand Jézi, lè’y té di: ‘Kontiné fè sa pou zòt moutwé zòt ka chonjé mwen.’—Louk 22:19 (New World Translation).
Nou ka envité ou èk fanmi’w pou atandé lokazyon spésyal sala.
Kwèsyon Moun Ka Toujou Mandé
Ki moun ki sa atandé?
Tout moun sa atandé. Anfen, ou sa envité jan’w èk fanmi’w. Wi, mennen yo épi’w.
Konmen tan Dènyé Wipa Senyè-a kay pwan?
Pwogwanm-lan pou Dènyé Wipa Senyè-a kay diwé pou pwèskè yon nèditan.
Ki koté i kay pwan kou?
Mandé yonn an sé Tèmwen Jéhova-a pou yo di’w koté-a ki pli pwé’w i kay pwan kou.
Ès mwen ni pou péyé pou atandé?
Non.
Ès zòt ka anmasé latjèt?
Non. Témwen Jéhova pa ka janmen anmasé latjèt an sé mitin yo-a.—Mafyou 10:8.
Ki mannyè moun sipozé abiyé?
Nou pa ka di moun mannyè pou abiyé. Mé, paski nou ka swiv pwensip ki an Bib-la, nou ka abiyé adan an mannyè ki pwòp èk wèspèktab, pou nou moutwé wèspé pou lokazyon sen sala.
Kisa ki kay pwan kou diwan Dènyè Wipa Senyè-a?
Mi adan sé bagay-la ki kay pwan kou. Pwogwanm-lan kay koumansé èk fini épi on chanson èk on lapwiyè. On fwè kay bay on diskou konsèné mannyè lanmò Jézi enpòtan. Èk i kay osi èspliké mannyè nou sa twapé bennéfis an sa Bondyé èk Jézi Kwi ja fè ban nou.
Pou twapé pli enfòmasyon, ou sa li atik-la: “Pouki Témwen Jéhova Pa Ka Tjenn Dènyé Wipa Senyè-a Menm Kon Lòt Wilizyon?”
Mi sé dat-la pou Dènyé Wipa Senyè-a an lanné:
2027: Lendi, li 22 Mas
2028: Dimanch, li 9 Avwi
2029: Jédi, li 29 Mas
Ou Pé Osi Enmen
MÉMORIYAL
Chonjé Lanmò Jézi
Nou ka envité’w pou vini jwenn nou pou sélébwasyon lanmò Jézi Kwi. Apwann kouman sakwifis Jézi ka mennen bennéfis pou ou.
LAVÉWITÉ KI AN BIB-LA
Pou ki Wézon Jézi Mò?
Ou pitèt ja tann I mò pou péché nou. Mé, ou pé mandé, ki mannyè lanmò yon nonm sa bennifisyé tout moun?
ENFÒMASYON KONSÈNÉ NOU
Mitin Kongwigasyon Témwen Jéhova
Ou sa konnèt koté-a mitin nou ka pawn kou èk ki mannyè nou ka adowé Bondyé. Nou ka byenvini tout moun. Ou pa ni pou péyé pou antwé.