Entwodiksyon Pou Sèksyon 2
Jéhova té fè an délij ki détwi tout bagay asou latè. Pouki’y té fè sa? Ében, tjèk tan apwé Bondyé fè lézòm an batay té koumansé. I sété an batay ant bon èk mové. Adan moun tèl kon Adanm, Èv, èk gason yo Kén, té chwazi pou fè sa ki pa bon. Mé déotwa lézòt tèl kon Ébèl èk Nowa, té chwazi pou fè sa ki dwèt. Majòwité di moun té vin si tèlman mové, Jéhova désidé pou détwi tout movèzté an tan sala. Sèksyon sala kay édé nou konpwann mannyè Jéhova ka wè sa nou chwazi pou fè, ki bon ki mové. Apa di sa, nou kay apwann pouki Jéhova pa kay janmen kité movèzté ganyen laviktwa asou bonté.
AN SÈKSYON SALA
LISON 3
Adanm Épi Èv Dézobéyi Bondyé
Ki sa ki té spésyal épi yonn an sé pyé fwi-a ki té an jaden Édenn? Pouki Èv té manjé fwi pyé sala?
LISON 4
I Vin Faché Èk I Tjwé Fwè’y
Lofwann Ébèl té fè Jéhova kontan, mé Jéhova pa té kontan épi lofwann Kén. Lè Kén vin sav sa, sa fè’y byen faché, èk i fè an bagay ki té mové toubonnman.
LISON 5
Batiman Nowa
Nanj té kité syèl pou vin mayé fanm asou latè. Yo fè gason ki té byen fò èk sé gason sala té ka pwan lavantay asou lézòt. Alò, la té ni vyolans toupatou asou latè. Mé, Nowa té diféwan paski i té enmen Bondyé èk i té ka obéyi’y.
LISON 6
Ywit «8» Moun Chapé Délij-la
Diwan Délij-la lapli dévidé pou kawant «40» jou èk kawant «40» swè. Nowa épi fanmi’y wèsté andidan batiman-an pou pli pasé yon lanné. Apwé sa Jéhova di yo, yo sa sòti.
