Entwodiksyon Pou Sèksyon 10
Jéhova sé pli gwan wa ki ni. Sé li ki ka toujou kondwi èk sé li ki kay kontiné kondwi pou tout tan. Pa ègzanp, lè Jérémaya té adan an twou ko’y té sa pwan lanmò’y, Jéhova sové’y. I osi sové Chadrak, Michak, èk Abèdnigo, lè yo té ladjé yo adan an founo difé. Apa di sa, i anpéché lyon manjé Dannyèl. Èk Jéhova pwotéjé Èsta pou Èsta té sa sové nasyon’y. Jéhova pa kay kité movèzté kontiné pou tout tan. Pwofèsi-a ki ni pou fè épi gwo imaj-la èk gwo pyé bwa-a, ka ban nou asiwans, touswit, Wéyòm Jéhova kay éfasi tout movèzté èk kondwi latè-a.
AN SÈKSYON SALA
LISON 57
Jéhova Voyé Jérémaya Pwéché
Sa jenn pwofèt sala di fè sé ansyen-an an Jouda faché toubonnman.
LISON 59
Kat «4» Tibway Ki Obéyi Jéhova
Jenn tibway ki sòti Jouda, té fè lidé yo pou kontiné obéyi Jéhova, menm si yo té an kay Wa Nèbyoukadnéza an Babilonn.
LISON 61
Yo Pa Adowé Èstati-a
Chadrak, Michak èk Abèdnigo wifizé adowé gwo bidim èstati lò-a wa Babilon fè-a.
LISON 62
An Wéyòm Ki Menm Kon An Gwo Pyé Bwa
Wèv Nèbyoukadnéza té fè’y sav sa ki té kay wivé’y an tan ki ka vini.
LISON 63
Ékwiti Asou Kwazon-an
Ki sa ki té ka pwan kou lè ékwiti dwòl sala pawèt asou an kwazon? Ki sa ékwiti-a vlé di
LISON 65
Èsta Sové Pèp Li
Menm si Èsta sété on òflen, èk i té yon étwanjé an vil Chouchann, wa-a chwazi’y pou vini wenn.
LISON 66
Èzra Enstwi Sé Moun-lan Lwa Bondyé
Apwé jan Izwayèl kouté sa Èzra té li ba yo an Lwa Bondyé, yo pwonmèt Bondyé yo té kay obéyi’y.
LISON 67
Sé Masonn-lan Ki Té Oliwon Jérouzalèm
Néhimaya vini konnèt, sé lèlmi-an té ka fè plan pou ataké yo, mé i pa té pè. Pou ki wézon Néhimaya pa té pè?
