Entwodiksyon Pou Sèksyon 3
Silon Labib, pou tjèk tan apwé Délij-la sé pa djè moun ki té ka sèvi Jéhova. Kanmenm, anpami sé moun-nan ki té ka sèvi’y sé an nonm yo té ka kwiyé Abrahanm. Labib di i sété jan Jéhova. Pouki Jéhova té kwiyé Abrahanm jan’y? Si ou sé an manman ében an papa, édé ich ou konpwann Jéhova mélé épi’y èk i vlé édé’y. Népòt lè nou bizwen èd, nou sa kwiyé asou Jéhova menm kon Abrahanm, Lòt, Jakòb èk lòt moun fidèl té fè. Nou sa ni konfyans Jéhova kay tjenn tout pwonmèt i fè.
AN SÈKSYON SALA
LISON 7
Gwo Bidim Kay Bébèl-la
Déotwa moun té désidé pou fè an vil èk bati an gwo bidim kay ki si tèlman ho, tèt li té kay wivé syèl. Mé sibitman, Bondyé mélé langaj yo. Pouki Bondyé té fè sa?
LISON 8
Abrahanm Épi Sara Té Obéyi Bondyé
Pouki Abrahanm èk Sarah té kité kay yo an vil Ur pou ay wété an tant toupatou an péyi Kénnan?
LISON 9
Alafen Yo Fè An Gason!
Ki moun Bondyé té kay sèvi pou fè sa’y té pwonmèt Abrahanm? Ès Bondyé té kay sèvi Ayzak ében Ichmayèl?
LISON 10
Chonjé Sa Ki Wivé Madanm Lòt
Bondyé té vidé difé èk souf asou Sòdonm èk Gomòra. Pouki Bondyé té détwi sé vil sala? Pouki nou sipozé chonjé sa ki wivé madanm Lòt?
LISON 11
Abrahanm Té Ni Lafwa Ki Fò
Bondyé té di Abrahanm: ‘Souplé, pwan sèl gason’w-lan èk alé ofé’y kon on sakwifis asou yon montany an péyi Moraya.’ Ki sa Abrahanm té kay fè?
LISON 12
Éwitaj-la Pasé Pou Jakòb
Ayzak èk Ribèka té ni dé gason ki té jimo. Non yo sété Isò èk Jakòb. Paski Isò té sòti avan, i té an dwa wisivwè yon éwitaj spésyal. Kanmenm, i boukanté’y pou an bòl manjé. Pouki i fè sa?
LISON 13
Jakòb Èk Isò Fè Lapé
Ki sa Jakòb té fè pou an nanj benni’y? Osi, ki mannyè Jakòb té fè lapé épi fwè’y?
