Entwodiksyon Pou Sèksyon 6
Lè nasyon Izwayèl wivé péyi-a Bondyé té pwonmèt yo-a, sé an tabennak-la yo té kontiné adowé Jéhova. Sé pwèt-la té enstwi nasyon-an Lwa Jéhova, èk sé jij-la té ka djidé yo. An sèksyon sala nou kay apwann gwo éfé-a disizyon èk aksyon an moun sa ni asou lézòt. Chak moun té ni an wèskonsabilité douvan Jéhova èk douvan pwochen’y. Moutwé ich ou éfé-a moun tèl kon Dèbra, Nayomi, Jòchwa, Hanna, fi Jèfta, èk Sanmyèl té ni asou moun an konmin yo. Osi édé yo wè jis moun ki pa té jan Izwayèl, tèl kon Réhab, Rouf, Jéyèl, èk jan Gibyonn, té désidé pou kolé épi nasyon Izwayèl. Yo fè sa paski yo té sav Bondyé té épi jan Izwayèl.
AN SÈKSYON SALA
LISON 30
Réhab Séwé Sé Èspyon-an
Pak Jèriko tonbé nèt. Magwé kay Réhab té asou pak-la, i doubout fò.
LISON 32
Yon Chèf Nèf Èk Dé «2» Madanm Ki Té Bwav
Apwé Jòchwa mò, jan Izwayèl koumansé adowé fo dyé. Èk pou lapéti sa, bagay té vini byen wèd pou yo. Mé Jéhova sèvi Barak, Dèbra, épi Jéyèl pou édé yo.
LISON 33
Rouf Èk Nayomi
Dé madanm ki té pèd mawi yo an lanmò, alé viv an péyi Izwayèl. Non yonn sé madanm-lan sété Rouf. Lè yo wivé Izwayèl, Rouf alé twavay an jaden on nonm yo té ka kwiyé Bowaz. Èk Bowaz òbzòvé Rouf té twavayan.
LISON 34
Gidiyonn Bat Sé Midiyonnayt-la
Jan Midiyann té ka fè jan Izwayèl minab. Konsa jan Izwayèl plédé épi Jéhova pou’y édé yo. Mé ki mannyè Gidiyonn épi twa san «300» nonm, té sa bat gwo lawmé-a jan Midiyann té ni-an?
LISON 35
Hanna Mandé Jéhova Pou Ba’y On Gason
Èlkéna mennen Hanna, Pènina, épi sé manmay-la Shaylo, pou yo té sa adowé Jéhova an tanp-lan. Paditan yo té la, Hanna pwédyé èk i mandé Jéhova pou ba’y on gason. Yon lanné apwé sa, i fè on gason, èk i kwiyé gason-an Sanmyèl.
LISON 36
Pwonmèt-la Jèfta Té Fè-a
Kisa Jèfta té pwonmèt Jéhova, èk pouki i fè sa? Lè tifi Jèfta-a tann sa papa’y té pwonmèt Jéhova, kisa i fè?
LISON 37
Jéhova Palé Épi Sanmyèl
Ilay sété Chèf Pwèt-la, èk i té ni dé «2» gason ki té ka wann sèvis an Tabènak-la. Mé, sé gason sala pa té ni pyès wèspé pou Jéhova. Sanmyèl té otan pli jenn pasé pa sé dé gason Ilay-la, mé i pa swiv mové ègzanp yo. Yon swè, Jéhova palé épi Sanmyèl.
LISON 38
Jéhova Té Bay Sanmsin Fòs Ki Té Èstòdinè
Bondyé té bay Sanmsin fòs ki té èstòdinè, pou’y té sa bat sé Filistin-lan. Mé Sanmsin fè on mové disizyon, èk akòz di sa, sé Filistin-lan tjébé’y lapwiz.
