Entwodiksyon Pou Sèksyon 12
Jézi palé épi moun konsèné Wéyòm di syèl. I osi di yo pou pwédyé pou moun pòté non Bondyé gwan wèspé. Apa di sa i di yo pou pwédyé pou Wéyòm Bondyé vini èk pou volonté’y fèt asou latè. Si’w sé an manman ében an papa, édé ich ou konpwann lapwiyè sala èk wézon-an i tèlman enpòtan. Jézi pa té kité Satan fè’y dézobéyi Jéhova. Sé zapòt-la Jézi chwazi-a, vini pwèmyé manm Wéyòm-lan èk yo té ni wòl ki té byen enpòtan. Noté mannyè Jézi té sèvi Bondyé an mannyè-a Bondyé mandé. Pas Jézi té vlé édé lézòt, i djéwi moun malad, i bay moun ki té fen manjé, èk i jis wésisité moun. Épi tout sé miwak sala, Jézi moutwé sa Wéyòm-lan kay fè bay lézòm.
AN SÈKSYON SALA
LISON 75
Denmou-an Tanté Jézi
Denmou-an tanté Jézi twa fwa. Ki twa tantasyon i mété douvan Jézi? Ki mannyè Jézi wéponn Satan asou chak lokazyon?
LISON 76
Jézi Kouwi Dèyè Sé Machann-nan
Pouki Jézi kouwi dèyè sé zannimo-a ki té an tanp-lan èk pouki i chaviwé tab sé moun-nan ki té ka chanjé lajan?
LISON 77
Madanm-lan Bò Pi-a
An madanm-lan ki sòti Sanmariya té sipwi lè Jézi palé ba li. Pouki? Jézi di madanm-lan an bagay i p’òkò té di pyèsonn. Ki sa Jézi di’y?
LISON 78
Jézi Pwéché Bon Nouvèl Wéyòm-lan
Jézi di adan sé disip li-a: ‘Vini épi mwen, èk sé moun mwen kay fè zòt péché.’ Pli ta, i moutwé 70 disip mannyè pou pwéché bon nouvèl-la.
LISON 79
Jézi Fè An Pil Miwak
Toupatou i alé, moun malad té ka vin wè’y èk i té ka djéwi yo tout. I jis wésisité an jenn tifi.
LISON 82
Jézi Moutwé Sé Disip li-a Mannyè Pou Pwédyé
Ki kalité bagay Jézi di sé disip li-a pou kontiné mandé Bondyé pou?
LISON 86
Jézi Wésisité Lazaròs
Lè Jézi wè Mari ka pléwé, i menm koumansé pléwé. Mé touswit apwé sa, Jézi fè on bagay ki bay Mari, Mafa, épi sé lézòt-la an chay tjè kontan.
