An sèksyon sala, nou kay apwann konsèné Wa Sòl èk Wa David. Listwa sé dé «2» wa sala ka kouvè apipwé katwiven «80» lanné. Lè Sòl té vini wa tou fwè, i té ni an chay imilité èk kwentif pou Bondyé. Malèwèzman, apwé on ti tan Sòl chanjé. I anmasé lògèy, èk i koumansé dézobéyi Bondyé. Konsa Jéhova widjèkté’y kon wa, èk Jéhova di Sanmyèl pou annonté David pou’y vini dézyenm wa-a an Izwayèl. Ében Sòl pa té kontan sa pyès, èk sa té pòté on mové jalouzi. Anfen, Sòl éséyé pou tjwé David plizyé fwa paskè i té jalou David, èk i té hayi’y. Kanmenm, David pa janmen pwan wivanj asou Sòl. Bon, Sòl té ni on gason yo té ka kwiyé Jonatann. Èk Jonatann té ni an chay lanmityé pou Jéhova. Konsa, i té ka toujou sipòté David, paski i té sav David sété moun-lan Jéhova té chwazi pou vini wa. Tjèk tan apwé David vini wa, i fè yonndé péché ki té byen gwav. Mé i aksèpté  kowijman Bondyé. Si ou sé on pawan, ou sa sèvi enfòmasyon sala pou édé ich ou wè mannyè i enpòtan pou nou sipòté tout awanjman Jéhova mété an plas.