AN BARANTAYAN—ARADMAN NGA EDISYON Agosto 2017
Ini nga gowa nagsusulod han aradman nga mga artikulo para ha Septyembre 25 tubtob Oktubre 22, 2017.
Andam Ka ba Maghulat nga Mapailubon?
An maunungon nga mga surugoon ni Jehova hadto nagpakiana kon tubtob san-o hira magpapailob ha mga pagsari, pero waray hira sawaya han Dios han ira pagpakiana hito.
“An Kamurayawan han Dios . . . Labaw ha Ngatanan nga Pagsabot”
Nahunahuna mo na ba kon kay ano nga gintutugotan han Dios nga umatubang ka hin diri ginlalaoman nga mga pagsari? Kon oo, ano an makakabulig ha imo nga makapailob nga may bug-os nga pagsarig kan Jehova?
ISTORYA HAN KINABUHI
An Pagpailob ha mga Pagsari Nagriresulta hin mga Bendisyon
Kay ano nga an mga gindistyero ha Siberia nagpapakiana mahitungod hin mga baka nga karnero man an ira ginbibiling? Mababaton ito ha makapainteres nga istorya han kinabuhi nira Pavel ngan Maria Sivulsky.
Kon Paonan-o Naton Huhukason Ngan Babayaan an Daan nga Personalidad
Magkaiba an paghukas han daan nga personalidad ngan an pagbaya hito. Paonan-o kita maglalampos ha pagbuhat hito bisan kon nahiara na gud kita ha pagbuhat hin maraot?
Kon Paonan-o Naton Isusul-ot Ngan Titipigan an Bag-o nga Personalidad
Ha bulig ni Jehova, mahimo ka maglampos ha pagin an klase han tawo nga karuyag niya para ha imo. Tagda an praktikal nga mga paagi diin mahimo mo maipakita an pagpaid, pagkabuotan, pagpaubos, ngan pagkamalumo.
Gugma—Usa nga Presyoso nga Kalidad
Iginpapatin-aw han Kasuratan nga an gugma usa nga resulta han paggios han baraan nga espiritu ni Jehova. Pero an gugma? Paonan-o naton ito makukultibar? Ngan Paonan-o naton ito maipapakita kada adlaw?
TIKANG HA ATON DAAN NGA MGA KOLEKSYON
“San-o Kita Magkakaada Utro Asembleya?”
Kay ano nga makatirigamnan gud an usa nga gutiay nga kombensyon ha Mexico City han 1932?
Mga Pakiana Tikang ha mga Magbarasa
Kay ano nga may kaibahan an asoy nira Mateo ngan Lucas mahitungod han temprano nga bahin han kinabuhi ni Jesus ngan han lista han iya katulinan?
