AN BARANTAYAN Num. 1 2026 | Posible ba Magin Murayaw an Kalibotan?
Posible nga magin murayaw an kalibotan. Pero mahitatabo ito ha paagi nga diri mo gud ginlalaoman.
Kaya ba han Mas Maopay nga Gobyerno Himoon nga Murayaw an Kalibotan?
Waray gobyerno han tawo nga makakahatag hin kamurayawan ha kalibotan. Pero kaya ito han aton Maglalarang—ngan bubuhaton niya ito!
Kaya ba han Relihiyon Himoon nga Murayaw an Kalibotan?
An mga relihiyon nga nakakadugang la ha kangalas ngan kamadarahog diri gud makakahatag hin kamurayawan.
Kaya ba han Teknolohiya Himoon nga Murayaw an Kalibotan?
Diri mababag-o han teknolohiya an kasingkasing han tawo nga puno hin kahakog, kangalas, o diri patas nga pagtratar ha iba. Kitaa kon ano an makakagbag-o hito.
Kaya ba han Reporma ha Ekonomiya Himoon nga Murayaw an Kalibotan?
An nagpapadayon nga kamurayawan diri tungod ha pakig-trade o mga reporma ha ekonomiya. Nagtitikang ito ha pagsunod ha giya han Dios.
Para ha imo, hain hini an makakahatag hin kamurayawan ha kalibotan?
Damu an nakadepende ha gobyerno, relihiyon, teknolohiya, o reporma ha ekonomiya basi magkaada kamurayawan. Makakahatag ba an bisan usa hini hin kamurayawan? Hibaroi an baton han Biblia hini nga isyu han An Barantayan.
