Introduksyon
Karuyag mo ba mabuhi ha kalibotan nga waray girra ha bisan diin? Para ha damu, makaruruyag ito pero baga hin imposible mahitabo. An Biblia nagsusumat kon kay ano nga diri naglalampos an paningkamot han mga tawo nga mapaundang an girra. Nagsasaysay liwat ito kon kay ano nga makakasiguro ka nga an kamurayawan ha bug-os nga kalibotan posible gud ngan hirani na mahitabo.
Hini nga magasin, an termino nga “girra” ngan “araway” nagtutudlok ha away butnga han armado nga mga grupo o nasud. Ginsaliwnan an iba nga ngaran han mga indibiduwal nga gin-unabi dinhi.
