Introduksyon ha mga Libro han Biblia
Inin halipot nga mga video nga may leksyon nagtatagana hin mapulsanon nga impormasyon mahitungod han kasaysayan ngan sulod han mga libro han Biblia. Gamita ini nga mga video basi mapauswag an imo personal nga pagbasa ngan pag-aram ha Biblia.
Introduksyon ha Genesis
Iginsusumat han Genesis an tinikangan han tawo pati an tinikangan han pag-antos ngan kamatayon.
Introduksyon ha Exodo
Gintalwas han Dios an mga Israelita tikang ha pagkauripon ha Ehipto ngan gin-organisar hira para magin iya nasud nga pinili.
Introduksyon ha Levitico
Kitaa kon paonan-o iginhuhulagway han Levitico an pagkabaraan han Dios ngan kon kay ano nga importante gud nga kita liwat magin baraan.
Introduksyon ha Numeros
Kitaa kon ano kaimportante an pagsugot kan Jehova ngan an pagrespeto ha iya mga ginpili nga manguna ha iya katawohan.
Introduksyon ha Deuteronomio
Kitaa kon paonan-o an Balaud ni Jehova ha Israel nagpapakita han iya daku nga gugma ha iya katawohan.
Introduksyon ha Josue
Kitaa kon paonan-o ginsakop ngan ginbahin-bahin han mga Israelita an tuna nga hatag han Dios ha ira.
Introduksyon ha Mga Hukom
An ngaran hini nga libro nga puno hin makapainteres nga panhitabo ginkuha tikang ha maisugon nga kalalakin-an nga gin-gamit han Dios basi talwason an Israel tikang ha panalumpigos.
Introduksyon ha Ruth
An Ruth usa nga asoy mahitungod ha usa nga batan-on nga balo nga nagpakita hin nagsasakripisyo nga gugma ha iya ugangan nga babaye ngan kon paonan-o hira nga duha ginbalosan ni Jehova.
Introduksyon ha 1 Samuel
Kitaa an kasaysayan han Israel tikang ha panahon han Mga Hukom tubtob ha panahon han pagmando han mga hadi.
Introduksyon ha 2 Samuel
Kitaa kon paonan-o an pagkamapainubsanon ngan pagtoo ni David nakahimo ha iya nga magin usa han pinakahinigugma ngan kilala gud nga karakter ha Biblia.
Introduksyon ha 1 Hadi
Hibaroi an kasaysayan han Israel ha panahon nga dungganon ngan mainuswagon ito ha pagmando ni Hadi Solomon tubtob ha panahon nga nagin masamok ito tungod han pagmando han duha nga ginhadian, an Israel ngan Juda.
Introduksyon ha 2 Hadi
Kitaa kon paonan-o an apostasya nakadaot ha norte nga ginhadian han Israel, samtang ginbibendisyonan ni Jehova an pipira nga maunungon nga nagsisingba ha iya.
Introduksyon ha 1 Cronicas
Hibaroi an katulinan ngan an eksayting nga kinabuhi han may kahadlok ha Dios nga hi Hadi David tikang han iya kahitrono sugad nga hadi han Israel tubtob han iya kamatay.
Introduksyon ha 2 Cronicas
Kitaa kon paonan-o ginpapabug-atan hini nga kasaysayan han mga hadi han Juda an pagkaimportante han pagin maunungon ha Dios.
Introduksyon ha Ezra
Gintuman ni Jehova an iya saad nga pagagawson niya an iya katawohan tikang ha pagkabihag ha Babilonya ngan igpapahiuli an tinuod nga pagsingba ha Jerusalem.
Introduksyon ha Nehemias
An libro han Biblia nga Nehemias naghahatag hin mapulsanon nga mga leksyon ha ngatanan nga tinuod nga magsiringba yana.
Introduksyon ha Esther
An mga panhitabo ha panahon ni Esther magpaparig-on han imo pagtoo ha abilidad ni Jehova nga Dios ha pagluwas han iya katawohan tikang ha mga pagsari yana.
Introduksyon ha Job
An ngatanan nga nahigugma kan Jehova sasarihan. Kondi an asoy han Job naghahatag ha aton hin pasarig nga mahimo naton matipigan an aton integridad ngan makasuporta ha pagkasoberano ni Jehova.
Introduksyon ha Salmo
An Salmo nasuporta ha soberanya ni Jehova, nabulig ngan nagliliaw ha mga nahigugma ha iya, ngan nagpapakita kon paonan-o babag-uhon ni Jehova an kalibotan pinaagi han iya Ginhadian.
Introduksyon ha Proberbios
An Proberbios nagtatagana hin giya tikang ha Dios para ha haros ngatanan nga bahin han pagkinabuhi, tikang ha negosyo ngadto ha pamilya.
Introduksyon ha Eklesiastes
Ginpabug-atan ni Hadi Solomon kon ano an importante ha kinabuhi ngan igintanding ito ha mga butang nga diri uyon ha kinaadman tikang ha Dios.
Introduksyon ha Kanta ni Salomon
An diri napapas nga gugma han Sulamita ha magbarantay hin karnero ginhulagway sugad nga ‘an laga ni Jah.’ Kay ano?
Introduksyon ha Isaias
An Isaias usa nga libro han diri nagsasayop nga mga tagna nga mahimo magparig-on han imo pagsarig kan Jehova sugad nga Paratuman han mga saad ngan an Dios nga nagtatalwas ha aton.
Introduksyon ha Jeremias
Nagpabilin hi Jeremias ha iya toka sugad nga propeta bisan pa han kakurian. Tagda kon ano an kapulsanan han iya susbaranan para ha mga Kristiano yana.
Introduksyon ha Mga Pagtangis
An libro han Mga Pagtangis iginsurat ni propeta Jeremias, ngan nagpapahayag ini hin kasubo ha kabungkagan han Jerusalem ngan nagpapakita kon paonan-o an pagbasol nagriresulta hin pagpasaylo han Dios.
Introduksyon ha Ezekiel
Mapainubsanon ngan maisugon nga gintuman ni Ezekiel an anoman nga toka nga hatag han Dios, bisan kon makuri ito. An iya ehemplo mapulsanon gud ha aton yana.
Introduksyon ha Daniel
Hi Daniel ngan an iya mga kasangkayan nagpabilin nga maunungon kan Jehova ha ngatanan nga higayon. An ira ehemplo ngan an katumanan han tagna mahimo makabulig ha aton yana, ha panahon han kataposan.
Introduksyon ha Hosea
An tagna ni Hosea may importante nga mga leksyon ha aton may kalabotan han kalooy ni Jehova ha nagbabasol nga makasasala ngan han paagi han pagsingba nga gin-oobligar han Dios ha aton.
Introduksyon ha Joel
Igintagna ni propeta Joel an makaharadlok nga “adlaw ni Jehova” ngan iginpatin-aw an paagi basi maluwas kita. An iya tagna mas importante para ha aton yana.
Introduksyon ha Amos
Gin-gamit ni Jehova inin mapainubsanon nga lalaki para ha usa nga importante nga buruhaton. Ano nga mga leksyon an aton mahibabaroan ha ehemplo ni Amos?
Introduksyon ha Obadia
Ini an pinakahalipot nga libro ha Hebreo nga Kasuratan. Nagtatagana ini hin paglaom ngan nagsasaad ha pagbindikar han pagkahadi ni Jehova.
Introduksyon ha Jonas
Ginkarawat han propeta an pagtadong, gintuman an iya toka, ngan natutdoan hin importante nga leksyon parte han maunungon nga gugma ngan kalooy han Dios. An iya eksperyensya makakabantad ha imo kasingkasing.
Introduksyon ha Micas
Inin giniyahan han Dios nga tagna magpaparig-on han aton pagsarig nga diri hi Jehova maghahangyo han diri naton makakaya, lugod an makakaopay ha aton.
Introduksyon ha Nahum
An tagna nagpapasarig ha aton nga pirme gintutuman ni Jehova an iya saad ngan naghahatag hiya hin pagliaw ha ngatanan nga namimiling hin kamurayawan ngan katalwasan ilarom han iya Ginhadian.
Introduksyon ha Habakuk
Makakasarig kita nga hi Jehova pirme maaram han pinakamaopay nga panahon ngan pinakamaopay nga paagi ha pagtalwas ha iya katawohan.
Introduksyon ha Zepanias
Kay ano nga diri naton dapat hunahunaon nga diri maabot an adlaw han paghukom ni Jehova?
Introduksyon ha Hagay
Ginpapabug-atan han tagna an importansya han pag-una han pagsingba ha Dios, imbes han aton personal nga mga hingyap.
Introduksyon ha Sakarias
Damu nga bisyon ngan tagna tikang ha Dios an nagparig-on ha katawohan han Dios ha naglabay. Inin pariho nga mga tagna padayon nga nagpapasarig ha aton han bulig ni Jehova yana.
Introduksyon ha Malakias
Tagna ini mahitungod han kan Jehova diri nagbabag-o nga mga prinsipyo, kalooy, ngan gugma. Ini nga tagna naghahatag liwat hin importante nga mga leksyon ha aton kahimtang yana nga panahon.
Introduksyon ha Mateo
Hibaroi an pipira nga impormasyon mahitungod hini nga libro han Biblia, an siyahan ha upat nga Ebanghelyo.
Introduksyon ha Marcos
Inin pinakahalipot han upat nga mga Ebanghelyo, an libro han Marcos, naghuhulagway ha kon ano an bubuhaton ni Jesus ha iya pagmando sugad nga Hadi ha Ginhadian han Dios.
Introduksyon ha Lucas
Ano nga mga impormasyon an mababasa la ha Ebanghelyo ni Lucas?
Introduksyon ha Juan
An asoy ni Juan nagpapabug-at han gugma ni Jesus ha katawohan, han iya susbaranan han pagin mapainubsanon, ngan han iya pangirilal-an sugad nga Mesias—an Hadi han Ginhadian han Dios.
Introduksyon ha Mga Buhat han mga Apostol
An siyahan nga mga Kristiano nangalimbasog ha panhimo hin disipulo ha mga tawo han ngatanan nga nasud. An libro han Biblia nga Mga Buhat mabulig ha imo nga magin mas madasigon ha ministeryo.
Introduksyon ha Roma
Usa nga giniyahan nga direksyon may kalabotan ha pagin waray pinaurog ni Jehova ngan han pagkaimportante han pagtoo kan Jesu-Kristo.
Introduksyon ha 1 Corinto
An surat ni Pablo nag-uupod han giniyahan nga sagdon mahitungod ha pagkaurosa, kalimpyo ha moral, gugma, ngan pagtoo ha pagkabanhaw.
Introduksyon ha 2 Corinto
Hi Jehova, “an Dios han ngatanan nga pagliaw,” nagpaparig-on ngan nabulig ha iya mga surugoon.
Introduksyon ha Galacia
An surat ni Pablo ha mga taga-Galacia aplikado liwat ha aton yana. Makakabulig ito ha tanan nga Kristiano nga makapabilin nga matinumanon.
Introduksyon ha Efeso
Iginpapakita hinin giniyahan nga surat an katuyoan han Dios nga magpahinabo hin kamurayawan ngan pagkaurosa pinaagi kan Jesu-Kristo.
Introduksyon ha Filipos
Kon nagpapailob kita bisan pa han mga pagkontra, napaparig-on naton an iba.
Introduksyon ha Colosas
Mapapalipay naton hi Jehova pinaagi ha pag-aplikar han aton hinbabaroan, pagpasaylo ha iba, ngan pagkilala han posisyon ngan awtoridad ni Jesus.
Introduksyon ha 1 Tesalonica
Kinahanglan padayon kita nga magmata ha espirituwal, ‘siguruhon an ngatanan nga butang,’ “padayon nga mag-ampo,” ngan dasigon an usa kag usa.
Introduksyon ha 2 Tesalonica
Gintadong ni Pablo an sayop nga panhunahuna mahitungod han pag-abot han adlaw ni Jehova, ngan iya gindasig an kabugtoan nga magin marig-on ha pagtoo.
Introduksyon ha 1 Timoteo
Iginsurat ni Pablo an 1 Timoteo basi isaysay ha kongregasyon an kahikayan han organisasyon ngan pahamangnoan hira ha sayop nga katutdoan ngan ha gugma ha kwarta.
Introduksyon ha 2 Timoteo
Gindasig ni Pablo hi Timoteo nga bug-os nga tumanon an iya ministeryo.
Introduksyon ha Tito
An surat ni Pablo kan Tito nag-uunabi kon paonan-o susulbaron an mga problema han mga kongregasyon ha Creta ngan nagpapakita han espirituwal nga mga kwalipikasyon ha pagin tigurang.
Introduksyon ha Filemon
Inin halipot pero mapwersa nga surat may praktikal nga mga leksyon mahitungod ha pagpaubos, pagkabuotan, ngan pagpasaylo.
Introduksyon ha Hebreo
An Kristiano nga pagsingba iginbasar ha mga butang nga mas labaw kay ha pisikal nga mga templo ngan halad nga mga hayop.
Introduksyon ha Santiago
Gumamit hi Santiago hin matin-aw nga mga ilustrasyon basi itutdo an importante nga mga prinsipyo ha Biblia.
Introduksyon ha 1 Pedro
An Siyahan nga Pedro nag-aaghat ha aton nga magin aktibo ngan ipasa ha Dios an ngatanan naton nga kabaraka.
Introduksyon ha 2 Pedro
An ikaduha nga surat ni Pedro nag-aaghat ha aton nga magin matinumanon samtang aton ginhuhulat an bag-o nga mga langit ngan bag-o nga tuna.
Introduksyon ha 1 Juan
An surat ni Juan nagpapahamangno ha aton kontra ha mga antikristo ngan nabulig ha aton nga hibaroan kon ano an angay ngan diri angay higugmaon.
Introduksyon ha 2 Juan
An ikaduha nga surat ni Juan nagpapahinumdom ha aton nga padayon kita nga maglakat ha kamatuoran ngan magbantay ha mga paralimbong.
Introduksyon ha 3 Juan
An 3 Juan nagtututdo hin maopay nga leksyon han pagin maabiabihon.
Introduksyon ha Judas
Iginbuhayhag ni Judas an magraot nga ginbubuhat hadton naruruyag paglimbong ngan pag-impluwensya ha mga Kristiano.
Introduksyon ha Pahayag
Iginpapakita han makapainteres nga mga bisyon ha Pahayag kon paonan-o tutumanon han Ginhadian an katuyoan han Dios para ha mga tawo ngan ha tuna.
