ISSI ISSI ASAY QOPPIYOOBAA . . .

Eti nagaranchcha gidiyo gishshawu, Xoossaa dabbo gidana danddayokko giidi qoppoosona. Harati qassi Xoossay nuussi qoppenna goosona. Ne qofay shin?

GEESHSHA MAXAAFAY YOOTIYOOBAA

“Suuretuyyo [Xoossay] ulottees.” (Leemiso 3:32) Nuuni Xoossawu azazettikko, A dabbo gidana danddayoos.

GEESHSHA MAXAAFAAPPE HARABAA AY AKEEKIYOO?

• Xoossay nu dabbo gidana koyees.—Yaaqooba 4:8.

• Xoossay nu dabbo gidiyo wode, nuna maaddanawunne nuussi atto gaanawu koyees.—Mazamure 86:5.

• Xoossaa dabboti I dosiyoobaa dosoosonanne I ixxiyoobaa ixxoosona.—Roome 12:9.