Cora meray deˈiyo ciishshaanne xoolintteti kumido saluwaa beˈiyo wode, woykko soossuwaa gunttaa ezggiyo wode Medhdhidaagaa oosuwaa akeekeetii? Nu yuushuwan deˈiya meretay beettenna Yihoowa eeshshata qonccissidi bessees. (Roo 1:20) Nu beˈiyoobata takki giidi qoppiyoogan, Xoossa wolqqaa, siiquwaa, aadhdhida eratettaa, suure pirddaanne A kehatettaa akeekoos.—Maz 104:24.

Intte hachchi hachchi beˈiyo Yihoowa meretatuppe issoti issoti aybee? Intte kataman deˈiyaaba gidikkokka, kafotanne zaafeta beˈennan aggekketa. Yihooway medhdhidobata akeekiyo wode, hirggaappe guuttaa shemppoos, keehi koshshiyaabaa xallaa qoppoos, qassi Yihooway merinawu nuussi koshshiyaabaa kunttana danddayiyoogaa kaseegaappe aaruwan ammanoos. (Maa 6:25-32) Intteyyo naati deˈikko, intte naati laggetiyaabi baynna Yihoowa eeshshata akeekanaadan maaddite. Nuuni nu heeran deˈiya meretata keehi nashshikko, Medhdhidaagaakko kaseegaappe aaruwan shiiqoos.—Maz 8:3, 4.

MERETAN QONCCIDA MAALAALISSIYAABATI XOOSSAA BONCHCHUWAA BESSOOSONA—POOˈUWAANNE MERAA GIYA BIIDUWAA BEˈITE; YAATIDI KAALLIDI DEˈIYA OYSHATA ZAARITE:

• Qalamiyaa bessiyaabati nuuni merata beˈanaadan waati maaddiyoonaa?

• Zuulla mala meray beettanaadan oottiyaabay aybee?

• Nuuni dumma dumma merata saluwan beˈiyoy aybissee?

• Intte heeran deˈiya meretatun maalaalissiya ayba merata beˈidetii?

• Nu heeran deˈiya meretata nuuni tishshi ootti xeellana koshshiyoy aybissee?