01-ги КИЧЭЭЛ
Бурганның Сөзү силерге дузалап болур бе?
Чуртталга, келир үе, хилинчек-човалаң база өлүм-чидим дугайында бо-ла боданы бээр бис. Оон аңгыда өг-бүле, ажыл-агый, акша-хөреңги дугайында айтырыглар хүн бүрүде кижилерни дүвүредип чоруур. Хөй улус ол чугула айтырыгларның харыызын база ажыктыг сүмелерни Библиядан тып ап турар. Чүү деп бодаар силер, Библиядан сүмелер кижилерге ажыктыг бооп болур бе?
1. Библия кандыг айтырыгларга харыылап турарыл?
Чуртталга канчаар тыптып келген? Чуртталганың ужур-утказы кандыгыл? Эки улус-биле багай чүүлдер чүге болу бээрил? Өлген улустуң байдалы кандыгыл? Шупту улус тайбыңны күзеп турза-даа, чүге дайыннар болуп турарыл? Келир үеде бистиң бөмбүрзээвис-биле чүү болурул? Ол айтырыглар кижи бүрүзүн дүвүредип чоруур. Библия ол айтырыгларга мерген угаанныг болгаш ужур-уткалыг харыыларны берип турар.
2. Хүн бүрүнүң амыдыралынга Библиядан сүмелер канчаар дузалап болурул?
Бурганның Сөзүнде ажыктыг сүмелер хөй. Чижээ, өг-бүлеге аас-кежикти канчаар чедип ап болурун, стрессти канчаар ажып эртерин, ажылындан өөрүшкүнү канчаар ап болурун ында сүмелеп турар. Бо болгаш оон-даа өске айтырыгларның харыызын бо дептерни сайгарып тургаш, билип алыр силер. Оон «Бүгү Бижилге [Бурганның Сөзүнде бижип каан шупту чүүл]... ажыктыг» деп шынзыгар силер (2 Тимофейге 3:16).
Бо дептер Библияны солувайн турар. Ол Бурганның Сөзүнге сонуургалды оттурарынга дузалаар. Ынчангаш кичээл санында бердинген шүлүк бүрүзүн ажыдып номчуңар. Бо дептерден билип алган чүүлүңерни ол шүлүктер-биле деңнеп көрүңер.
ХАНЫ ШИНЧИЛЕҢЕР
Бурганның Сөзү кижилерге канчаар дузалап турарыл, ону номчуурга солун боор кылдыр, чүнү кылып болурул база Библияны эки билип алырынга чүге дуза херегил?
3. Бурганның Сөзү чуртталгавыска удуртулганы берип болур
Бурганның Сөзү чырыткыга дөмей. Караңгыда чырыткы дег, Библия биске келир үени тода көөрүнге база шын шиитпирлерни хүлээп алырынга дузалаар.
Ырлар 118:105-ти номчааш, харыылаптыңар:
-
Ыр күүседикчизиниң Библияга хамаарылгазы кандыг турганыл?
-
Силерниң Библияга хамаарылгаңар кандыгыл?
4. Библия бистиң айтырыгларывыска харыылап турар
Бир херээжен кижи ону хөй чылдар ишти дүвүредип чораан айтырыгларының харыызын Библиядан тып алган. ВИДЕОНУ көргеш, дараазында айтырыгларга харыылаптыңар.
-
Ол херээжен кижини кандыг айтырыглар дүвүредип турган-дыр?
-
Библиядан алган билиглери аңаа канчаар дузалааныл?
Библия бисти айтырыглар салырынче оттуруп турар. Матфей 7:7-ни номчааш, харыылаптыңар:
-
Кандыг айтырыгларның харыызын Библиядан билип алыксаар-дыр силер?
5. Библияны номчууру солун бооп болур
Хөй улус Библияны номчааш, ооң ажыктыын көрүп турар. ВИДЕОНУ көргеш, дараазында айтырыгларга харыылаптыңар.
-
Бо элээдилер номчуттунарынга ынак бе?
-
А Библия номчуурунга оларның хамаарылгазы кандыгыл?
Библия аргалалды болгаш идегелди аазап турар. Римчилерге 15:4-тү номчааш, харыылаптыңар:
-
Сорук кириишкин болгаш идегел дугайында аазаашкын силерге солун-дур бе?
6. Библияны билип алырынга дуза херек
Библияны хууда номчуп болур. Ынчалза-даа ону эки билир кижи-биле сайгарар болза, Библия оон-даа билдингир апаар деп, хөй улус эскерген. Ажыл-чорудулга 8:26—31-ни номчааш, харыылаптыңар:
-
Библияны канчаар эки билип ап болурул? (30, 31 дугаар шүлүктерни көрүңер.)
Эфиоп кижиге Ыдыктыг Бижилгени билип алырынга дуза херек турган. Библияны эки билир улус-биле сайгарар болза, оон-даа билдингир апаар деп, хөй улус эскерген
ЧАМДЫК УЛУС МЫНЧА ДЕП БОЛУР: «Библия өөренири дээрге анаа-ла хей черге үени чарыыры-дыр».
-
А силер чүү деп бодаар силер? Тайылбырлаптыңар.
КОЛ БОДАЛ
Библиядан чуртталгага ажыктыг сүмелерни, чугула айтырыгларның харыыларын, аргалалды база идегелди тып ап болур.
Катаптаашкын
-
Библиядан кандыг ажыктыг сүмелерни тып ап болур силер?
-
Библия кандыг айтырыгларга харыылап турар?
-
Библиядан чүнү билип алыксаар-дыр силер?
НЕМЕЛДЕ
Амгы үеде безин Библияның сүмелериниң кайы хире ажыктыын номчуп көрүңер.
«Кажан-даа үнези читпес сүмелер» («Таңныыл суургазы» № 1, 2018 чыл)
Чажындан тура хагдынчак, бодун чөгенчиг кылдыр миннип чораан эр кижиге Бурганның Сөзү канчаар дузалаанын көрүңер.
Библиядан алырга, өг-бүлениң аас-кежиктиг болурунга чүү дузалаарыл?
«Аас-кежиктиг өг-бүлелерниң 12 чажыды» («Оттуп келиңер!» № 2, 2018 чыл)
Делегейни херек кырында кым башкарып турарыл?
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
