Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TENUARE 2015

 TUMU PARAU MATAMUA | MEA MAU ANEI SATANI?

Mea mau anei Satani?

Mea mau anei Satani?

Hoho‘a hamanihia i Madrid, Paniora, e faaite ra ia Satani mai te tahi melahi ino i tiavaruhia mai te ra‘i mai

“Ua paari au i Salvador. Ia ore au e faaroo, e parau mai to ’u mama, ‘E haere mai te Diabolo e haru ia oe!’ E pahono vau, ‘A vaiiho ia ’na ia haere mai!’ I tiaturi na vau te vai mau ra te Atua, eiaha râ Satani.”—ROGELIO.

Te mana‘o atoa ra anei oe mai ia Rogelio? No oe, eaha te mea tano ia parau?

  • E ere Satani i te mea mau e e parau noa tera no te faataa i te ino.

  • Mea mau Satani, aita râ o ’na e tâu‘a ra i te taata.

  • E melahi puai Satani e e mana rahi to ’na i nia i te huitaata.

Te vai ra iho â te feia e tiaturi hoê o na mana‘o e peneia‘e e mirioni ratou. Mea faufaa anei râ ia ite teihea te mana‘o tano? Mai te peu e ere Satani i te mea mau, te hape nei te feia e tiaturi ra te vai mau ra oia. Mai te peu mea mau Satani, aita râ e tâu‘a ra i te taata, mea faufaa ore ia haapao maitai aore ra ia mǎta‘u ia ’na. Mai te peu râ e melahi haavarevare Satani, mea ino atu â ïa o ’na i ta te rahiraa e mana‘o ra.

E hi‘opoa ana‘e e nafea te mau Papai mo‘a ia pahono i to muri nei mau uiraa: Satani, e parau noa anei no te faataa i te ino? Aore ra e melahi mau oia. Mai te peu mea mau Satani, e nehenehe anei o ’na e haafifi ia oe? Eaha ïa te rave no te paruru ia oe?