Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA TENUARE 2015

Te pahono ra te Bibilia

Te pahono ra te Bibilia

E nafea ia tauturu i te tamarii ia here i te Atua?

A faaohipa i te mau mea i poietehia no te tauturu i ta oe tamarii ia ite e ia here i te Atua

No te here i te Atua, e titauhia ia papu i to tamarii te vai mau ra O ’na e e Atua î i te here oia. Mea faufaa roa ïa ia haapii i to tamarii o vai te Atua. (Ioane 1, 4:8) A faataa ia ’na: No te aha te Atua i poiete ai i te taata, no te aha te Atua e vaiiho ai ia tupu te mauiui, eaha ta te Atua e rave no te huitaata a muri a‘e.—A taio i te Philipi 1:9.

No te tauturu i ta oe tamarii ia here i te Atua, mea tia ia ite oia te na reira atoa ra oe. Mea ohie a‘e no ’na ia pee i to oe hi‘oraa.—A taio i te Deuteronomi 6:5-7; Maseli 22:6.

E nafea ia putapû te aau o ta oe tamarii?

Mea puai te Parau a te Atua. (Hebera 4:12) A tauturu ïa i ta oe tamarii ia taa i te mau haapiiraa tumu o te Bibilia. Ua haaputapû Iesu i te aau o te taata ma te horoa i te uiraa, ma te faaroo ia ratou e ma te faataa i te mau Papai. A haapii ai i ta oe tamarii, a pee i te hi‘oraa o Iesu ia putapû to ’na aau.—A taio i te Luka 24:15-19, 27, 32.

A hi‘opoa atoa i te mau aamu Bibilia e to tamarii, e ite ïa o ’na i to te Atua huru i nia i te taata e e here oia ia ’na. Ua faaineinehia e ua tuuhia te mau papai i nia www.jw.org ia naea ia oe tera fa.—A taio i te Timoteo 2, 3:16.

 

No te ite atu â

EAHA TA TE BIBILIA E HAAPII MAU RA?

E nafea to outou oraraa utuafare e oaoa ’i?

E hi‘oraa te here o Iesu no te mau tane, vahine, metua e tamarii. Eaha ta ’na e haapii maira?