Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 1 2016

 TUMU PARAU MATAMUA

Eaha to te Atua mana‘o i te tama‘i?

Eaha to te Atua mana‘o i te tama‘i?

Eaha ta oe e pahono? Te mana‘o ra e rave rahi te farii ra te Atua i te tama‘i. No te aha? No te mea, ua faaue oia vetahi o ta ’na mau tavini i tahito ra ia haere i te aroraa. E tera iho â te faaitehia ra i roto i te Bibilia. Ua ite râ te tahi atu, ua haapii Iesu, te Tamaiti a te Atua, i ta ’na mau pǐpǐ ia aroha i to ratou enemi. (Mataio 5:43, 44) No ratou, ua taui te mana‘o o te Atua e mea au ore na ’na te tama‘i i teie nei.

Eaha to oe mana‘o? E farii anei te Atua i te tama‘i? Mai te peu e e, teihea te nuu ta te Atua e turu ra? Ia noaa ia oe te pahonoraa o teie mau uiraa, e taui paha to mana‘o i te tama‘i, e to huru atoa ïa. A hi‘o na. Mai te peu e ite oe, eita noa te Atua e farii i te tama‘i, te turu atoa ra râ oia i te nuu ta oe e au ra. Eita anei oe e oaoa, mea papu hoi e upootia ratou. I te tahi a‘e pae, eaha to huru ia ite oe o te nuu enemi ta te Atua e turu ra? Eita anei oe e taui?

Te mea faufaa roa ’tu â, ia ite oe i te pahonoraa, e taui paha to oe mana‘o no nia i te Atua. Mai te peu tei rotopu oe i na mirioni taata o tei mauiui mau no te mau aroraa, eita e ore e hinaaro oe e ite o te Atua anei to muri mai i te reira. Aore ra mai ta vetahi e mana‘o ra, te farii ra aore ra te turu atoa ra anei o ’na i te mau tama‘i? E parau mau anei aita te Atua e tâu‘a ra i te feia e mauiui ra?

E maere paha oe mea taa ê roa ta te Bibilia pahonoraa. Hau atu â, aita to te Atua mana‘o i taui mai tahito mai â e tae roa mai i teie mahana. E hi‘o ana‘e i ta te Bibilia e parau ra no nia i te mana‘o o te Atua i te mau tama‘i i tahito ra, oia atoa to te senekele matamua a haere mai ai Iesu i te fenua nei. E tauturu mai te reira ia ite i te mana‘o o te Atua i te tama‘i e e faaorehia anei te reira a muri a‘e.