Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TIURAI 2014

“Te pii hua nei te paari,” te faaroo ra anei oe i te reira?

“Te pii hua nei te paari,” te faaroo ra anei oe i te reira?

“E ere anei te pii hua nei te paari, e te faateitei nei te ite i to ’na reo? Tei nia i te mau vahi teitei, i te pae e‘a ra; i te tiaatiraa o te mau e‘a ra i te tia-noa-raa oia. . . . Tei te uputa iti ra hoi, te pii noa ra oia.”—MASELI 8:1-3.

EITA e nehenehe e faaau i te faufaaraa o te paari. Maoti hoi te reira e ore ai tatou e rave noa i te faaotiraa maamaa. Ihea e itehia ’i te paari mau? Ua mana‘o te taata i papai i te buka o te Maseli i te paari faito ore o to tatou Atua poiete. I roto te Bibilia, te buka taa ê roa e itehia ’i te reira. E hi‘o ana‘e i to muri nei mau mana‘o:

  • Te parauhia ra i roto i te tahi papai e o te Bibilia “te buka i opere-roa ’‘e-hia.” Ua hurihia te reira e rave rahi atu â taime e reo i te tahi noa ’‘e buka.” (The World Book Encyclopedia) Te vai ra te taatoaraa aore ra te tahi tuhaa o te Bibilia na roto fatata e 2 600 reo. Te fana‘o ra ïa hau atu e 90 i nia i te hanere o te mau taata i te reira.

  • “Te pii noa ra” te paari. Te taio nei hoi tatou i roto i te Mataio 24:14: “E parau-haere-hia te evanelia o te basileia nei e ati noa ’‘e teie nei ao, ia ite te mau fenua atoa: o te hopea [o teie nei ao] ihora ïa i reira.”

O te paari mau tera “evanelia” aore ra parau apî oaoa no te mea te faaite ra hoi i ta te Atua ravea paari no te faaafaro i te mau fifi o te huitaata, to ’na Basileia. Na roto noa i te reira te Atua e faatere ai i te taatoaraa o te fenua nei. (Daniela 2:44; 7:13, 14) No reira Iesu i pure ai: ‘Ia tae to oe ra Basileia. Ia haapaohia to oe hinaaro i te fenua nei mai tei te ra‘i atoa na.’—Luka 11:2.

Te oaoa nei te mau Ite no Iehova i te fana‘oraa taa ê e faaite i to te Atua Basileia i roto e 239 fenua! Te “pii” mau ra ïa te paari o te Atua i te mau “uputa iti.” Te faaroo ra anei oe i te reira?