Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Tenuare 2013

 FENUA E NUNAA

Te hoê tere i Cameroun

Te hoê tere i Cameroun

O TE mau Baka, tei parau-atoa-hia Pygmées, te mau taata tumu no Cameroun. Ua tae atu to Potiti i te mau matahiti 1500. Tau senekele i muri a‘e, ua haru te Peuls, e nunaa Mahometa, i te tuhaa apatoerau o Cameroun. I teie mahana, te parau ra e 40 % taata no Cameroun e e Kerisetiano ratou, e 20 % e Mahometa, e te 40 % e toe ra e haapaoraa ta‘ere Afirika ïa.

Ua piahia te mau papai a te mau Ite no Iehova na roto i te reo Bassa e paraparauhia ra i Cameroun

Mea farii maitai roa te taata o te mau mataeinaa. E aroha e e ani ratou i te ratere ia tomo mai i roto i te fare a horoa ’tu ai i te pape e te maa. Ia farii oe i ta ’na aniraa e faaoaoa oe i te fatu fare. Ia ore râ, te haavahavaha ra ïa oe ia ’na.

E haamata te aparauraa ma te aroha i te mau melo o te utuafare e te aniraa eaha to ratou huru. Mea matau-atoa-hia ia ani eaha te huru o te mau animara! Te na ô ra Joseph, te hoê taata tumu no  Cameroun: “Ia faarue te tahi manihini i te fare, eita e navai ia parau ‘Parahi!’” “Mea pinepine e apee e e tauaparau te fatu fare e te manihini maa taime rii i nia i te purumu. I muri roa oia e parau ai, ‘Nana!’ e e ho‘i atu ai i to ’na fare. Aita ana‘e, e mana‘o te manihini e aita te fatu fare e au ra ia ’na.”

E ite-pinepine-hia te mau vaa i nia i te anavai Sanaga. E faaohipahia e rave rau tao‘a itehia mai no te hamani i te mau ie

I te tahi taime ia haere mai te mau hoa e tamaa, hoê noa mereti na te taatoaraa e aita e patia. I Cameroun, e tapao tera no te auhoêraa. I te tahi hoi taime, e ravea atoa tera peu no te faahau i te taata. A tamaa paatoa ’i, e au e te parau ra oe “Ua hau tatou i teie nei.”

I Cameroun, ua hau atu i te 300 amuiraa a te mau Ite no Iehova, te feia i pia i teie vea. Te faatere atoa nei ratou hau atu i te 65 000 haapiiraa Bibilia