Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TENUARE 2013

Na te ao nei

Na te ao nei

Ooa o Mehiko

I muri a‘e i te ati i tupu i nia i te hoê paepae pâmuraa mori arahu i te ava‘e Eperera 2010, e pue mori arahu tei manii rahi i roto i te miti fatata e toru ava‘e te maoro. E piti ava‘e e te afa i muri iho, ia au i te hoê pǔpǔ taata maimi aita faahou te tahi mau tao‘a haaviivii. Ua faaoti ratou e ua moe te reira maoti te tahi manumanu amu i te mǎhu parauhia méthane. E ere râ tera te mana‘o o te tahi mau aivanaa. No ratou, tei raro te rahiraa o te mori arahu i te moana.

Rusia

Ia au i te hoê titorotororaa, te tiaturi nei e 59 i nia i te hanere o te mau Rusia 18 matahiti e tae atu i te 35 e “ia manuïa te oraraa, e mea titauhia i te tahi taime ia haapae i te mau aratairaa maitatai i te pae morare,” ta te vea Rossiiskaya Gazeta ïa e parau ra.

Peru

A itehia mai ai te tahi mau to papaa tahito roa, ua mana‘ohia e i hamani na to Peru apatoerau i te pop-corn e te faraoa ota a 3 000 matahiti a‘enei.

Italia

Ua papu ia Lucio Soravito De Franceschi, epikopo Katolika no Adria-Rovigo e no te faaite atu i te hoê poroi e titauhia i te hoê haapaoraa “ia farerei tino roa i te taata” i ǒ ratou. Te parau ra oia: “No te rave i ta tatou ohipa tiaauraa, ia pate tatou i te ôe i te fare pure e i te mau uputa fare atoa e tia ’i.”

Afirika apatoa

Ua hoo-huna-hia e 6 306 146 farane (65 000 tara Marite) te kilo o te tara reema e faaohipahia no te rapaauraa. I 2011, i Afirika Apatoa noa, ua taparahi te feia a‘ua‘u huna i te animara e 448 reema. Ua tomo te mau pǔpǔ taata ohipa ino i roto i te mau fare vairaa taihaa tahito e te mau piha hoo-pate-raa no te eiâ i te mau tara reema. Mea atâta atoa ïa no te mau reema e ora ra i roto i te mau aua mataitairaa animara i Europa.