HAAPIIRAA 01
E nafea te Bibilia e haamaitai ai i to oe oraraa?
Mea rahi ta te taata mau uiraa no nia anei i te oraraa, te mauiui, te pohe, no to tatou a muri aˈe, oia atoa no nia i te pae moni aore ra e nafea te utuafare e oaoa ˈi. Maoti râ te Bibilia, te ite ra te taata i te mau pahonoraa o ta ratou mau uiraa, e te mau aˈoraa papu no te oraraa. E nehenehe anei te Bibilia e tauturu i te taata ta oe i matau?
1. Eaha te mau uiraa ta te Bibilia e pahono ra?
Teie te tahi mau uiraa: Mea nafea te ora i te haamataraa? Eaha te fa o te oraraa? No te aha te taata e mauiui ai? Eaha te tupu ia pohe te taata? Te hinaaro ra te taata i te hau, no te aha i rahi roa ˈi te tamaˈi? Eaha te tupu a muri aˈe? E mirioni taata tei ite i te pahonoraa o ta ratou mau uiraa i roto i te Bibilia e ua mauruuru roa ratou.
2. Nafea te Bibilia e tauturu ai ia tatou ia ite i te oaoa i roto i te oraraa?
Te horoa ra te Bibilia i te mau aˈoraa maitai. E nafea te hoê utuafare e ite ai i te oaoa? E nafea tatou e faaruru ai i te ahoaho? E nafea ia ite i te oaoa i ta tatou ohipa? I roto i teie buka, e ite oe i te mau pahonoraa o tera mau uiraa e te tahi atu. I reira oe e papu ai e “te mau Papai moˈa atoa, [to roto i te Bibilia] . . . e mea faufaa” ïa.—Timoteo 2, 3:16.
Mea papu, eita teie buka e mono i te Bibilia. Te faaitoito râ teie buka ia oe ia hiˈo i roto i ta oe iho Bibilia, ia taio i te mau irava i roto i teie mau haapiiraa e ia hiˈo te tano ra anei te reira e ta oe e haapii ra.
A FAAHOHONU ATU Â
E ite mai tatou mea nafea te Bibilia i te tautururaa i te taata, e nafea oe e au ai ia taio i te Bibilia, e no te aha mea maitai ia taa ia oe i te reira.
3. E aratai te Bibilia ia tatou
E au te Bibilia i te hoê mori. E nehenehe te Bibilia e tauturu ia tatou ia ite eaha te mau faaotiraa e rave e eaha te tupu a muri aˈe.
A taio i te Salamo 119:105, e a aparau i teie mau uiraa:
-
Eaha te manaˈo o te papai Salamo no nia i te Bibilia?
-
Eaha to oe manaˈo no nia i te Bibilia?
4. E pahono te Bibilia i ta oe mau uiraa
Ua itehia mai e te hoê vahine i te mau pahonoraa o te mau uiraa ta ˈna i manaˈo noa na e rave rahi matahiti. A pata i te VIDEO, e a aparau i te mau uiraa i muri nei.
-
I roto i te video, eaha te mau uiraa ta teie vahine i uiui na?
-
Mea nafea te Bibilia i te tautururaa ia ˈna?
Te faaitoito mai ra te Bibilia ia uiui. A taio i te Mataio 7:7, e a aparau i te uiraa i muri nei:
-
Eaha te mau uiraa ta oe e uiui nei e e pahonoraa ta te Bibilia?
5. E anaanatae oe i te taio i te Bibilia
E rave rahi taata o tei au i te taioraa i te Bibilia e ua faufaahia ratou i te na reiraraa. A pata i te VIDEO, e a aparau i te mau uiraa i muri nei.
-
I roto i te video, eaha te manaˈo o te feia apî no nia i te parau o te taioraa?
-
No te aha i teie nei i taa ê ai to ratou manaˈo no nia i te taioraa i te Bibilia?
E horoa mai te Bibilia i te haapiiraa o te tamahanahana ia tatou e o te horoa mai i te tiaturiraa. A taio i te Roma 15:4, e a aparau i teie uiraa:
-
Te anaanatae ra anei oe i te parau fafau o te Bibilia o te horoa mai i te tamahanahanaraa e te tiaturiraa?
6. E nehenehe vetahi e tauturu ia oe ia taa i te Bibilia
No e rave rahi, ua tauturu te taioraa i te Bibilia e o vetahi ia ratou. A taio i te Ohipa 8:26-31, e a aparau i teie uiraa:
-
E nafea tatou e taa ˈi i te Bibilia?—A hiˈo i te mau irava 30 e 31.
Ua hinaaro te taata Etiopia e taa i te mau Papai. I teie mahana, ua tauturu te aparauraa i te tahi atu i nia i te Bibilia e rave rahi taata
TE MANAˈO O VETAHI: “Mâuˈa te taime i te haapii i te Bibilia.”
-
Eaha to oe manaˈo? No te aha?
HAAPOTORAA
Te horoa ra te Bibilia i te aˈoraa no te oraraa, no te pahono i te mau uiraa faufaa e no te horoa mai i te tamahanahanaraa e te tiaturiraa.
Haamanaˈoraa
-
Eaha te mau aˈoraa e itehia i roto i te Bibilia?
-
Eaha te tahi mau uiraa ta te Bibilia e pahono ra?
-
Eaha ta oe e hinaaro e haapii i roto i te Bibilia?
HIˈOPOA
A hiˈo no te aha mea faufaa te mau aˈoraa o te Bibilia i teie mahana.
“Aratairaa Bibilia î i te paari noa ˈtu te tau” (Te Pare Tiairaa No 1 2018)
A hiˈo mea nafea te Bibilia i te tautururaa i te hoê tane o tei aro na i to ˈna hepohepo i to ˈna tamariiriiraa.
A hiˈopoa i te mau aˈoraa Bibilia ia oaoa te utuafare.
A haapii e nafea te Bibilia e haapapu ai e na vai e faatere ra i teie ao, noa ˈtu mea taa ê te manaˈo o te taata.
No te aha e haapii ai i te Bibilia? (Taatoaraa o te video) (3:13)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
