Eaha to roto?

Eaha te ravehia i te hoê haapiiraa Bibilia pûpûhia na te mau Ite no Iehova?

Eaha te ravehia i te hoê haapiiraa Bibilia pûpûhia na te mau Ite no Iehova?

 Eaha te ravehia i te hoê haapiiraa Bibilia?

 E tauturu ta outou taata haapii ia matau outou i te Bibilia e te mau tumu parau tataitahi. E tauturu te faaohiparaa i te aparauraa Bibilia o te buka Ia ora oe e a muri noa ˈtu! ia outou ia ite i ta te Bibilia e haapii ra. No te ite atu â, a hiˈo i teie video.

 E aufau anei au no te haapiiraa?

 Aita. Te pee nei te mau Ite no Iehova i te faaueraa ta Iesu i horoa i ta ˈna mau pǐpǐ: “Mea horoa-noa-hia mai ta outou, a horoa noa atoa ïa.” (Mataio 10:8) Hau atu â, aita e titauhia te moni no te Bibilia e te buka Ia ora oe e a muri noa ˈtu! ta oe e faaohipa.

 Ehia hora te haapiiraa?

 E 60 haapiiraa i roto i teie buka. Nehenehe outou e faaoti te roaraa taime e hinaaro ai outou e haapii. Mea au râ na te mau piahi e haapii hoê aore ra hau atu haapiiraa i te hebedoma.

 Afea vau e haamata ˈi?

  1.  1. A faaî i te api parau i nia i te natirara. E faaohipa matou i te mau haamaramaramaraa no nia ia oe no te pahono i ta oe aniraa e farerei i te hoê Ite no Iehova.

  2.  2. E farerei te tahi taata haapii ia oe. E faataa ta oe taata haapii i te tereraa o ta oe haapiiraa Bibilia e e pahono oia i ta oe mau uiraa.

  3.  3. E faataa orua i te taime no te faatere i ta oe haapiiraa. Nehenehe orua e farerei tino roa aore ra na roto i te niuniu, te video e te rata uira. Matauhia i te faatere i te haapiiraa hoê hora, tera râ nehenehe e haapoto aore ra e faaroa ia au i ta oe porotarama.

 Nehenehe anei au e tamata hoê noa haapiiraa?

 E. A faaî râ i te tahi api parau i nia i te natirara. Ia farerei anaˈe te taata haapii ia oe, a faaite atu e te hinaaro ra oe e tamata hoê noa haapiiraa. E faaohipa ïa o ˈna i te buka rairai Ia ora oe e a muri noa ˈtu! e e toru haapiiraa i roto o te tauturu ia oe ia ite e au anei oe i te haapiiraa.

 Ia farii au i te haapiiraa Bibilia, e faahepo anei ta ˈu taata haapii ia riro mai ei Ite no Iehova?

 Aita. Mea au na te Ite no Iehova e haapii i te Bibilia i te taata, aita râ matou e faahepo atu i te taata ia apiti i ta matou haapaoraa. Ma te faatura e faaite matou i ta te Bibilia e parau ra, e na te taata taitahi e faaoti eaha ta ˈna e tiaturi.—Petero 1, 3:15.

 Nehenehe anei au e rave i ta ˈu iho Bibilia?

 E, nehenehe oe e faaohipa i te Bibilia ta oe e hinaaro ra. Noa ˈtu mea au na matou i Te Bibilia, Huriraa o te ao apî, no te taa maitai e te papu, ua taa ia matou mea au na te rahiraa e faaohipa i ta ratou iho Bibilia.

 Nehenehe anei au e titau i te tahi atu ia apiti i ta ˈu haapiiraa?

 E. Nehenehe oe e titau i to oe utuafare taatoa aore ra to oe mau hoa.

 Ahani ua haapii ê na vau i te Bibilia e te mau Ite no Iehova? Nehenehe anei au e haapii faahou?

 E. Papu maitai, e au paha oe i teie raveraa apî i ta oe i ite ê na no te mea ua faatanohia teie haapiiraa i ta te taata e hinaaro mau ra. Mea oraora maitai e e aparauraa teie niuhia i nia i te Bibilia.

 Te vai ra anei te tahi ravea no te haapii i te Bibilia o vau anaˈe?

 E. Noa ˈtu te haapii ra te rahiraa o te mau piahi e te tahi taata haapii, mea au râ na te tahi atu e haapii o ratou anaˈe i te omuaraa. E tauturu ta matou vairaa papai o te mau mauhaa no te haapiiraa Bibilia i ta oe haapiiraa Bibilia. Teie te tahi o te mau mauhaa o te tauturu ia oe:

  •   Video Bibilia. E faataa teie mau video i te mau haapiiraa tumu no nia i te Bibilia.

  •   Te pahono ra te Bibilia. Te pahono ra teie mau tumu parau i te mau uiraa e rave rahi no nia i te Bibilia.

  •   Que veulent dire ces versets ? A hiˈo i te auraa o te mau irava Bibilia matau-maitai-hia e te tatararaa.