Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Te faatere nei te Basileia o te Atua!

Pae aui: Tapeahia ra te hoê taeae e poro ra i Eindhoven, Holane, i 1945; Pae atau: Faatiahia anei oe e te ture ia poro na to oe fenua?

 TUHAA 4

Upootiaraa te Basileia: Haapapuraa i te parau apî oaoa i mua i te ture

Upootiaraa te Basileia: Haapapuraa i te parau apî oaoa i mua i te ture

 A PORO ai oe na tera e tera fare, faaroo ihora oe i te maniania pu e piri roa mai ra. Te haamata ra hoi oe i te paraparau i te hoê taata, fariu a‘era to oe hoa pororaa i muri. E pereoo mutoi tei tapea mai. Tapiri maira te hoê mutoi e na ô maira: “Orua tera e haere ra na te mau fare no te paraparau no nia i te Bibilia? Ua niuniuhia mai matou!” Pahono atura orua ma te faatura e e Ite no Iehova iho â orua. Eaha ïa te tupu i muri iho?

Tei te huru ïa. Eaha te mana‘o o te hau faatere o to oe fenua i te mau Ite no Iehova? E tiamâraa anei to ratou e haamori? Mai te peu e e, aua‘e atoa ïa to oe mau taeae e tuahine tei rohi i te roaraa o te mau matahiti i “te patururaa e te haapapuraa i te parau apî oaoa i mua i te ture.” (Phil. 1:7, New World Translation) Ia feruriruri oe i te mau upootiaraa a te mau Ite no Iehova i te tiripuna, e puai roa to oe faaroo. E faaite mai teie tuhaa vetahi o tera mau upootiaraa, haapapuraa atoa e te vai mau ra te Basileia. E ore roa ’tu hoi tatou e upootia na nia noa i to tatou iho puai!

I ROTO I TEIE TUHAA

PENE 13

E tia ’tu te feia poro i mua i te tiripuna

Hoê â mana‘o to te tahi mau haava i teie tau e to Gamaliela haapii ture a Mose i tahito ra.

PENE 14

Turu ma te taiva ore i ta te Atua ana‘e faatereraa

Te anavai o te hamani-ino-raa i parari mai i nia i te mau Ite no Iehova no te oreraa e faaô i roto i te poritita, ua horomiihia ïa e “te fenua,” oia hoi te tahi mau taata eita e mana‘ohia e na reira ratou.

PENE 15

Aroraa no te tiamâraa e haamori ia Iehova

Ua aro te nunaa o te Atua no te tiaraa e auraro i te ture, oia hoi te ture a te Basileia o te Atua.