Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Te faatere nei te Basileia o te Atua!

Pae aui: Noela hopea a te utuafare o te Betela i Brooklyn i 1926; Pae atau: E taa ohie noa i te taata e mea taa ê te mau Ite no Iehova

 TUHAA 3

Ture aveia a te Basileia: Tapiraa i te parau-tia a te Atua

Ture aveia a te Basileia: Tapiraa i te parau-tia a te Atua

 AROHA ihora oe i te taata e faaea ra i pihai iho noa mai i ǒ oe. I mataitai a‘enei oia ia oe e to oe utuafare. Aroha, tarape e na ô maira oia: “E uiraa ta ’u. No te aha mea taa ê roa ’i outou?” “Eaha ta oe e hinaaro ra e parau?” ta oe ïa e ui atu. Pahono maira oia: “E Ite no Iehova outou. E ere outou mai te tahi atu mau taata. Eita outou e amui i te tahi atu mau haapaoraa, eita e faatupu i te tahi mau oroa, eita e faaô i roto i te poritita e te tama‘i. Aita e taata puhipuhi avaava i ǒ outou. Mea maitai roa atoa te haerea o to outou utuafare i te pae morare. Mea taa ê roa outou, e te hinaaro nei au e ite no te aha.”

Mea ohie roa te pahonoraa: Te auraro nei tatou i te Basileia o te Atua. Te tamâ noa nei te Arii ra o Iesu ia tatou. Te tauturu nei oia ia tatou ia pee i to ’na mau taahiraa avae, a taa ê mai ai tatou i teie nei ao ino. I teie tuhaa, e ite mai tatou e nafea te Basileia faaterehia e te Mesia e tamâ ’i i te nunaa o te Atua i te pae varua, te pae morare, e te pae faanahonahoraa, ia faahanahanahia Iehova.

I ROTO I TEIE TUHAA

PENE 10

E tamâ te Arii i ta ’na mau pǐpǐ i te pae varua

Eaha te tuatiraa i rotopu i te Noela e te satauro?

PENE 11

Tamâraa i te pae morare ia au i te mo‘araa o te Atua

Mai 1914 mai, e auraa taa ê mau to te mau piha tiairaa e te mau uputa o te hiero ta Ezekiela i ite orama, no te mau tavini a te Atua.

PENE 12

Faanahohia no te tavini i “te Atua hau”

Aita te Bibilia e faahiti ra i te taa-ê-raa i rotopu i te anoi noa e te naho maitai, te hau râ. No te aha? Eaha te auraa o te reira no te mau Kerisetiano i teie mahana?