Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Te faatere nei te Basileia o te Atua!

Pae aui: Te poro ra te hoê tuahine pionie i Korea i 1931, 1931; Pae atau: Pororaa na roto i te reo apǎraa rima i Korea i teie mahana

 TUHAA 2

Pororaa i te Basileia: Faaatuturaa i te parau apî oaoa na te ao nei

Pororaa i te Basileia: Faaatuturaa i te parau apî oaoa na te ao nei

 TE FAAINEINE ra oe ia oe no te haere i te pororaa. Aita hoi ta oe e ohipa i tera mahana. Feaa ’tura to oe mana‘o, ua rohirohi rii hoi oe. Mea au hoi ia faaea i te fare! Pure ihora râ oe e reva ’tura. I tera poipoi, orua te hoê tuahine ruhiruhia taiva ore te pororaa. Putapû roa oe, mea maoro hoi o ’na i roto i te parau mau e e tuahine maitai atoa. A poro ai orua na tera e tera fare, haamana‘o atura oe e te faaite atoa ra to oe mau taeae e tuahine i te ao nei i te hoê â poroi o te parau mau, te faaohipa ra i te hoê â mau papai, e te fana‘o atoa ra i te hoê â faaineineraa. I to oe ho‘iraa i te fare, ua itoito roa oe. Aua‘e iho â ïa oe aita i faaea i te fare!

I teie mahana, o te taviniraa Kerisetiano te ohipa matamua a te Basileia o te Atua. Ua tohu Iesu e e rahi roa mai te ohipa pororaa i teie mau mahana hopea. (Mat. 24:14) Mea nafea ta ’na parau tohu i te tupuraa? I roto i teie tuhaa, e faahiti mai tatou i te feia poro, te mau huru raveraa e te mau ravea i faaohipa-rahi-hia na i roto i te taviniraa e o te tauturu nei i te mau mirioni taata i te ao nei ia ite e te vai mau ra te Basileia o te Atua.

I ROTO I TEIE TUHAA

PENE 6

Feia poro: E turu ratou i te Arii ma te aau tae

No te aha i papu roa ’i ia Iesu e e nuu taata poro aau tae ta ’na i teie mau mahana hopea? E nafea oe e faaite ai e te imi ra oe na mua i te Basileia?

PENE 7

Huru raveraa: Faaohiparaa i te mau ravea atoa no te poro i te taata

A hi‘o eaha te mau ravea apî ta te nunaa o te Atua i faaohipa no te poro i te parau apî oaoa i te taata e rave rahi hou te hopea e tae mai ai.

PENE 8

Ravea pororaa: Tei piahia no te pororaa na te ao nei

E nafea ta tatou ohipa huriraa e haapapu ai e te turu mai ra Iesu? No nia i tei piahia e tatou, eaha tei haapapu ia oe e te vai mau ra te Basileia?

PENE 9

Ta te pororaa i faatupu mai: Ua teatea te mau faaapu no te ootiraa

Ua faataa Iesu i ta ’na mau pǐpǐ e piti haapiiraa faufaa no nia i te ootiraa rahi pae varua. Ia aha ïa tatou i teie mahana ia au i tera na haapiiraa?