Eaha to roto?

Mau faaho'iraa ê

Tapura tumu parau

Ite no Iehova

Tahiti

Te faatere nei te Basileia o te Atua!

Pae aui: Te faata‘i ra te hoê tuahine no Alabama i Marite i te hoê oreroraa parau haruharuhia a taeae Rutherford, i 1939; Pae atau: Helevetia

 TUHAA 1

Parau mau o te Basileia: Opereraa i te maa varua

Parau mau o te Basileia: Opereraa i te maa varua

 E ITE roa oe i te oaoa i roto i te mata o te taata ta oe e haapii atu ra i te Bibilia ua taa ana‘e ia ’na te irava ta orua i taio mai nei. E na ô mai oia: “Te auraa anei ïa e te haapii ra te Bibilia e e nehenehe tatou e ora i roto i te paradaiso e a muri noa ’tu, i ǒ nei i te fenua?” E ui atu te taata poro tei apee mai ia oe: “Eaha ta oe i taio mai nei i roto i te Bibilia?” E tairiiri te piahi i to ’na upoo no te maere, a na ô ai: “A tahi ra vau a ite ai i teie haapiiraa!” Haamana‘o atura oe e tera atoa ta ’na i parau tau hebedoma a‘enei i to ’na iteraa e o Iehova te i‘oa o te Atua.

Mea rahi te tavini a te Atua tei farerei i teie tupuraa. O oe atoa paha. Mea iti te mau mea e haamana‘o roa mai i te ô faufaa mau i horoahia mai: te iteraa i te parau mau! Mea nafea taua ite ra i te taeraa mai? E pahono mai teie tuhaa. Ua haamaramarama riirii noa te Atua i to ’na nunaa, a papu maitai atu ai ia ratou e te vai mau ra to ’na Basileia. Mai 1914 mai â to Iesu Mesia, te Arii o te Basileia, haa-noa-raa ia haapiihia te parau mau i te nunaa o te Atua.

I ROTO I TEIE TUHAA

PENE 3

E faaite Iehova i ta ’na opuaraa

To roto anei te Basileia i te opuaraa a te Atua i te omuaraa? Nafea Iesu i te haamaramaramaraa mai no nia i te Basileia?

PENE 4

E faateitei Iehova i to ’na i‘oa

Eaha ta te Basileia i rave no nia i te i‘oa o te Atua? E nafea oe iho e apiti ai i te haamo‘araa i te i‘oa ra Iehova?

PENE 5

E haamaramarama mai te Arii no nia i te Basileia

Parau mau no nia i te Basileia o te Atua, te mau arii o te Basileia, te huiraatira e te auraa e turu i te Basileia ma te taiva ore.