Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Te faatere nei te Basileia o te Atua!

Pae aui: Putuputuraa i te hoê mahora i Lonedona, Beretane, 1945; Pae atau Tairururaa taa ê hoê mahana i Malawi, Afirika, 2012

 TUHAA 5

Haapiiraa a te Basileia: Faaineineraa i te mau tavini a te Arii

Haapiiraa a te Basileia: Faaineineraa i te mau tavini a te Arii

 E HI‘O oe i te taeae e orero mai ra na mua mai ma te mata ataata. E taeae apî oia no ta oe amuiraa. A tahi ra o ’na a vauvau ai i te hoê oreroraa parau i te tairururaa. A faaroo noa ’i oe ia ’na, e faahiahia roa oe i te faaineineraa ta te nunaa o Iehova e fana‘o ra. E haamana‘o oe i te mau tumu parau matamua a taua taeae apî ra. I teie nei, ua haere roa o ’na i mua i muri a‘e i to ’na haereraa i te Haapiiraa no te mau pionie. Aita i maoro roa a‘enei, ua haere raua ta ’na vahine i te Haapiiraa no te feia poro i te parau apî oaoa o te Basileia. A popou ai oe i te otiraa ta ’na oreroraa parau, e hi‘o oe i te feia tei ruru mai a feruri ai i te haapiiraa ta te nunaa taatoa o te Atua e fana‘o ra.

Ua tohu te Bibilia e e tae i te hoê tau, “e haapiihia” te nunaa o te Atua “e Iehova.” (Isa. 54:13) Te ora nei tatou i tera tau. Te fana‘o nei tatou i te haapiiraa na roto i te mau papai Bibilia, te mau putuputuraa, te mau tairururaa e te mau haapiiraa o te faaineine ia tatou no te tahi mau ohipa i roto i ta Iehova faanahonahoraa. I roto i teie tuhaa, e hi‘o mai tatou e nafea teie mau haapiiraa atoa e haapapu ai e te faatere nei te Basileia o te Atua i teie mahana.

I ROTO I TEIE TUHAA

PENE 16

Putuputuraa no te haamori ia Iehova

E nafea tatou e faufaa-roa-hia ’i i te mau putuputuraa no te haamori ia Iehova?

PENE 17

Faaineineraa i te feia poro i te Basileia

Mea nafea te mau haapiiraa Kerisetiano i te faaineineraa i te feia poro i te Basileia no ta ratou hopoia?