Isaia 54:1-17
54 “A tuô ma te oaoa, e te vahine fanau ore, te vahine aita i fanau aˈenei!+
A ataata e a tuô no te oaoa,+ oe te vahine aita i mauiui aˈenei i te mauiui fanau,+Mea rahi aˈe hoi te tamaiti* a te vahine i faaruehiaI te tamaiti a te vahine e tane faaipoipo ta ˈna,”*+ te parau ra Iehova.
2 “A faaaano atu â i to oe fare ie.+
A huti i te ie o to oe fare ie rahi.
Eiaha e taiâ, a faaroa i ta oe mau taura fare ie,E a haamau etaeta i te mau naero rahi o to oe fare ie.+
3 E haere roa hoi to oe mau otia i te pae atau e i te pae aui.
E fatu to oe huaai e rave rahi nunaa,E e parahi ratou i roto i te mau oire faaruehia.+
4 Eiaha e mǎtaˈu,+ eita hoi oe e faaooohia.+E eiaha e haama, eita hoi oe e tatarahapa.
E moˈe hoi ia oe te haama o to oe apîraa,E eita oe e haamanaˈo faahou i te haama o to oe iviraa.”
5 “Mai te hoê tane faaipoipo+ ra hoi na oe* to oe Atua Rahi tei hamani ia oe,+O Iehova o te mau nuu* to ˈna iˈoa,E o Tei Moˈa o Iseraela Tei hoo mai ia oe.+
E parauhia oia te Atua o te fenua taatoa.+
6 Ua pii hoi Iehova ia oe mai te huru ra e vahine faaipoipo faaruehia oe e te oto rahi,*+Mai te hoê vahine tei faaipoipo i te apîraa e tei faaruehia i muri iho,” te parau ra to oe Atua.
7 “Ua faarue au ia oe no te hoê taime poto,Ma te aroha hamani maitai rahi râ, e haaputuputu faahou vau ia oe.+
8 I te uˈana o to ˈu riri, ua huna vau i to ˈu hohoˈa mata ia oe no te hoê taime noa,+I te here taiva ore mure ore râ, e aroha hamani maitai au ia oe,”+ te parau ra Tei hoo mai ia oe,+ o Iehova.
9 “No ˈu, hoê â te reira e tei tupu i te mau mahana o Noa.+
Mai ta ˈu i euhe, e ore roa te mau pape e nina faahou i te fenua,+Te horeo nei au e ore au e riri faahou ia oe aore ra e tamaˈi faahou ia oe.+
10 E nehenehe hoi te mau mouˈa e tatarahiaE te mau aivi e faaaueuehia,Eita râ to ˈu here taiva ore ia oe e tatarahia,+Eita atoa ta ˈu faufaa no te hau e faaaueuehia,”+ te parau ra Iehova, Tei aroha hamani maitai ra ia oe.+
11 “Oe te vahine tei haamauiuihia,+ tei taueuehia e te vero e tei ore i tamahanahanahia,+Te patu nei au ia oe i te ofai e te tapiriE te haamau nei au i to oe niu i te saphira.+
12 E hamani au i to oe mau aua aputaputa i te adama,To oe mau uputa i te ofai anaana,*E to oe mau otia atoa i te ofai maitai roa.
13 E e haapiihia ta oe mau tamaiti* atoa e Iehova,+E e rahi mau â te hau o ta oe mau tamaiti.*+
14 E haamau-papu-hia oe i roto i te parau-tia.+
E e faaatea-ê-roa-hia oe i te faaheporaa,+Eita oe e mǎtaˈu aˈe e aita e tumu e mehameha ˈi oe,Eita hoi te reira e tapiri ia oe.+
15 Ia aro noa ˈtu te tahi taata ia oe,E ere na ˈu i horoa i te faaueraa.
E topa te taata atoa e aro ia oe no oe aˈe.”+
16 “Inaha, na ˈu i poiete i te taata tupai auri,O te puhi i te auahi arahu ura,E e hamani mauhaa tamaˈi ta ˈna ohipa.
Na ˈu atoa i poiete i te taata haamou o te vavahi.+
17 Eita hoê aˈe mauhaa tamaˈi tei hamanihia no te aro ia oe e manuïa,+E e faautua oe i te mau arero atoa o te faahapa ia oe i te haavaraa.
Tera te tuhaa a te mau tavini a Iehova,E no ǒ atu ia ˈu nei ta ratou parau-tia,” te parau ra Iehova.+
Nota i raro i te api
^ Aore ra “e fatu to ˈna.”
^ Aore ra “tamarii.”
^ Aore ra “sabaota.”
^ Aore ra “hoê fatu ra hoi no oe.”
^ Heb: “mauiui te aau.”
^ Aore ra “ofai û auahi.”
^ Aore ra “tamarii.”
^ Aore ra “tamarii.”
