Te Tusi Muamua a Ioane 1:1-10
1 Ko tusi atu matou e uiga ki te muna o te ola+ telā ko leva ne iai mai te kamataga, telā ne lagona ne matou, ne matea ne matou ki omotou mata, ne lavea ne matou kae ne puke omotou lima ki ei,
2 (ao, ne fakaasi mai te ola tenā, kae ko oti ne matea ne matou kae molimau atu e uiga ki ei+ kae fakailoa atu ki a koutou a te ola se-gata-mai+ telā ne nofo mo te Tamana kae telā ne fakaasi mai ki a matou),
3 a te mea telā ne matea kae lagona ne matou tenei ko fakaasi atu foki ne matou ki a koutou,+ ko te mea ke mafai o ‵kau fakatasi koutou mo matou i ei e pelā mo matou e ‵kau fakatasi mo te Tamana mo tena Tama ko Iesu Keliso.+
4 Kae ko tusi atu ne matou a mea konei ko te mea ke katoatoa te motou fia‵fia.
5 Tenei te fekau ne lagona ne matou mai i a ia kae ko folafola atu ne matou ki a koutou: A te Atua ko te mainaga+ kae e seai eiloa se pouliga i a ia.*
6 Kafai e fai atu tatou: “A matou e ‵kau fakatasi mo ia,” kae tela la e sa‵sale faeloa tatou i te pouliga, a tatou e ‵loi kae e se fai ne tatou a faifaiga o te munatonu.+
7 Kae kafai e sa‵sale tatou i te mainaga e pelā mo ia e nofo i te mainaga, ko ‵kau fakatasi tatou katoa, kae ko te toto o tena Tama ko Iesu ka faka‵ma ne ia tatou mai i agasala katoa.+
8 Kafai e fai atu tatou, “E seai ne omotou agasala,” ko takitaki ‵se ne tatou a tatou eiloa+ kae e seai se munatonu i loto i a tatou.
9 Kafai e fakaasi ‵tonu atu ne tatou a ‵tou agasala, e fakamaoni kae e amiotonu a ia o fakamagalo ‵tou agasala kae faka‵ma tatou mai i galuega ma‵sei katoa.+
10 Kafai e fai atu tatou, “A matou e seki agasala,” ko fai ne tatou a ia e pelā me se tino loi, kae e se nofo tena muna i loto i a tatou.
Fakamatalaga mai lalo
^ Io me “e ‵kau fakatasi mo ia.”
