Te Tusi Muamua a Ioane 5:1-21

  • Fakatuanaki ki a Iesu e fakatakavale ei te lalolagi (1-12)

    • Uiga o te alofa ki te Atua (3)

  • Loto talitonu ki te malosi o te ‵talo (13-17)

  • Matapulapula i se lalolagi masei (18-21)

    • Lalolagi kātoa mai lalo i te pule a te tino masei (19)

5  A tino katoa kolā e tali‵tonu i a Iesu ko te Keliso, ne fa‵nau mai i te Atua,+ kae ko tino katoa kolā e a‵lofa ki te Atua e a‵lofa ki a ia telā ne fanau mai i te Atua.  Mai te mea tenei ko iloa ei ne tatou i a tatou e a‵lofa ki tama‵liki a te Atua,+ māfai e a‵lofa tatou ki te Atua kae fai ana fakatonuga.  Me tenei te uiga o te alofa ki te Atua, ko te fakalogo ki ana fakatonuga;+ kae ko ana fakatonuga e se ‵mafa,+  me i tino katoa kolā* ko oti ne fa‵nau mai i te Atua e fakatakavale ne latou te lalolagi.+ Kae tenei te mea telā ne fakatakavale ne ia te lalolagi, ko te ‵tou fakatuanaki.+  Ko oi te tino e mafai o fakatakavale ne ia te lalolagi?+ E a, e se ko te tino telā e fakatuanaki i a Iesu ko te Tama a te Atua?+  Tenei te tino ne vau e auala i te vai mo te toto, ko Iesu Keliso, e se ko te vai fua,+ kae ko te vai mo te toto.+ Kae ko te agaga e molimau mai ki ei,+ me i te agaga ko te munatonu.  Me e tokotolu a molimau e uiga ki ei:  ko te agaga+ mo te vai+ mo te toto;+ kae ‵pau eiloa a molimau e tolu konei.  Kafai e talia ne tatou te molimau a tāgata, e sili atu te molimau a te Atua. Me tenei te molimau e tuku mai ne te Atua, ko te molimau ne tuku mai ne ia e uiga ki tena Tama. 10  A te tino telā e fakatuanaki ki te Tama a te Atua e maua ne ia te molimau tenā i loto i a ia. A te tino telā e se fakatuanaki ki te Atua ko fai ne ia a ia eiloa mo fai se tino loi,+ me e seki fakatuanaki a ia ki te molimau telā ne tuku mai ne te Atua e uiga ki tena Tama. 11  Kae tenei te molimau, me ne tuku mai ne te Atua ki a tatou te ola se-gata-mai,+ kae ko te ola tenei e maua mai i tena Tama.+ 12  A te tino telā e talia ne ia te Tama e maua ne ia te ola tenei. A te tino telā e se talia ne ia te Tama a te Atua e se maua ne ia te ola tenei.+ 13  E tusi atu ne au a mea konei ko te mea ke iloa ne koutou me ko maua ne koutou te ola se-gata-mai,+ ko koutou kolā e fakatuanaki ki te igoa o te Tama a te Atua.+ 14  Kae tenei te mea e tali‵tonu ei tatou ki a ia,+ me ko so se mea e fakatagi atu tatou ki ei e ‵tusa mo tena loto, e lagona eiloa ne ia tatou.+ 15  Kae kafai e iloa ne tatou me e lagona ne ia tatou i so se mea e fakatagi atu tatou ki ei, e iloa ne tatou me ka maua eiloa ne tatou a te mea telā ne fakatagi atu tatou ki ei, me ko oti ne fakatagi atu tatou ki a ia.+ 16  Kafai e lavea ne se tino tena taina ko fai ne ia se agasala telā e se iku atu ki te mate, e ‵tau o ‵talo atu a ia mō ia kae ka tuku atu ne te Atua te ola ki te tino tenā,+ ao, ko latou kolā e fai te agasala telā e se iku atu ki te mate.+ E isi se agasala telā e iku atu ki te mate. Tenā te agasala e se fai atu au ke ‵talo a ia e uiga ki ei. 17  A amioga sē amio‵tonu katoa ne agasala,+ kae e isi se agasala telā e se iku atu ki te mate. 18  E iloa ne tatou me i tino katoa kolā ne fa‵nau mai i te Atua e se fai faeloa ne latou te agasala, kae e puipui eiloa ne te tino telā ne fanau mai i te Atua* a ia, kae e se mafai o puke a ia ne te tino masei.*+ 19  E iloa ne tatou i a tatou e māfua mai i te Atua, kae ko te lalolagi kātoa ko nofo mai lalo i te pule a te tino masei.+ 20  Kae e iloa ne tatou me ko oti ne vau te Tama a te Atua+ kae ko oti ne tuku mai ne ia ki a tatou te ‵loto o te malamalama ko te mea ke maua ne tatou a te iloaga e uiga ki te tino telā e tonu. Kae e ‵kau fakatasi tatou mo te tino tonu tenei,+ e auala i tena Tama ko Iesu Keliso. Tenei eiloa te Atua tonu mo te ola se-gata-mai.+ 21  Tama‵liki fo‵liki, ke puipui koutou mai tupua.+

Fakamatalaga mai lalo

Eleni, “mea katoa kolā.”
Telā ko Iesu Keliso, te Tama a te Atua.
Io me “e se puke ‵mau a ia ki ei.”