Fakatomuaga ki te Muna a te Atua
E maua i te Tusi Tapu a te fekau io me ko te muna a te Atua mō tatou i aso nei. E fakaasi mai i ei a te auala e maua ei ne tatou te manuia i te olaga kae ke talia foki tatou ne te Atua. E tali mai foki i ei a fesili konei:
4 E mata, e ‵tonu a fakamatalaga fakasaienisi i te Tusi Tapu?
7 Ne a mea e ‵valo mai i te Tusi Tapu e uiga ki ‵tou aso nei?
8 E mata, e ‵tau o ‵losi atu ki te Atua mō logo‵maega o tino?
10 Ne a mea e folafola mai i te Tusi Tapu e uiga ki aso mai mua?
17 E mafai pefea o fesoasoani atu te Tusi Tapu ki tou kāiga?
20 E mafai pefea o maua ne koe a toe mea aoga mai tau faitauga ki te Tusi Tapu?
TE ‵SALAGA O FUAIUPU I TE TUSI TAPU
A te Tusi Tapu e aofia i ei a tamā tusi e 66. E ‵vae aka ki vaega e lua: ko Tusitusiga Epelu-Alamaika (“Feagaiga Mua”) mo Tusitusiga Eleni (“Feagaiga Fou”). E vaevae aka a tusi takitasi o te Tusi Tapu ki mataupu mo fuaiupu. Kafai e siki atu a tusi fai‵tau i te tusi tenei, a te napa muamua mai tua o te igoa o te tusi e fakasino atu ki te mataupu, kae ko napa mai tua ifo e fakasino atu ki fuaiupu. E pelā mo te Kenese 1:1, e fakasino ki te Kenese mataupu 1, fuaiupu 1.
