Fanatu ki te fakasologa

Fanatu ki te fakasologa o mataupu

  A2

Vaega o te Lōmiga Tenei

Ne ‵tala mai Te Tusi Tapu i te ‵Fuliga o te Lalolagi Fou o Tusitusiga Eleni i te ‵gana Palagi i te 1950, kae ko te Tusi Tapu i te ‵Fuliga o te Lalolagi Fou kātoa ne ‵lomi i te 1961. Talu mai te taimi tenā, e lau i sefulu miliona o tino fai‵tau i ‵gana e silia atu i te 100 ne maua ne latou a mea aoga mai i se ‵fuliga tonu kae faitaugofie o te Tusi Tapu mai i ‵gana mua.

Kae i te 50 tupu tausaga talu mai te taimi tenā, ne mafuli‵fuli malosi eiloa a ‵gana. Ne iloa ne te Komiti fou o te Tusi Tapu i te ‵Fuliga o te Lalolagi Fou a te manakoga ke ‵saga atu ki ‵fuliga konā ko te mea ke oko tonu atu ki te loto o te tino faitau i aso nei. Ona ko te pogai tenei, ne fai ei a nai ‵fuliga ki pati kolā e fakaaoga i te lōmiga tenei, fakatasi mo te mafaufau ki fakamoemoega konei:

  • Fakaaoga te ‵gana masani i aso nei, e faigofie o malamalama i ei. E pelā me se fakaakoakoga a te pati “matulimanu” ko se fakaaoga i aso nei me e faigata ke malamalama i ei a te tokoukega o ‵tou tino fai‵tau. Tela la, ko fakaaoga te pati “‵kōna” telā e faigofie ke malamalama i ei a tino. (Faataoto 7:8) Kae ko te pati “kolomaki” ko oti ne sui ki te pati “kufaki.” I te lōmiga fou tenei, ko ‵fuli sāle a te “sulaitetapu” ki “amioga fakatauavaga sē ‵tau”; “faiga masei” ki te “amio matafatu mo te sē āva”; mo te “fiafiaga o te kona” ki “fakafiafiaga sonafai valevale.”—Kalatia 5:19-21.

    E fakaaoga i te ‵fuliga tenei a tugapati e pelā mo te “tamate i luga i te pou fakasaua” “fakatautau i luga i te pou” mo te “‵tuki ki te pou” ke fakasino atu ki te auala ne ‵tuki ei a Iesu ki luga i te pou fakasaua.—Mataio 20:19; 27:31, 35.

  • Tugapati faigofie i te Tusi Tapu. A nisi tugapati i lōmiga mua o te New World Translation i te ‵gana Palagi ne manakogina ke fakamatala faka‵lei ko te mea ke mafai o malamalama i ei. E pelā mo te tugapati Epelu ko te “Seoli” mo te tugapati Eleni ko te “Heitisi” ne fakaaoga sāle i te Tusi Tapu ke fakasino atu ki te tanuga masani o tino. E se iloa ne tino e tokouke a tugapati konā, kae ko te pati “Heitisi” e lua ana uiga e ‵tusa mo te fakaaogaga i tala ‵kai a te kau Eleni. Tela la, ne fakaaoga ne tino tusitala o te Tusi Tapu a te avā tugapati konā ke fakauiga sāle ki “te Tanuga.” E ‵sae mai te avā tugapati ko “Seoli”  mo “Heitisi” i fakamatalaga mai lalo.—Salamo 16:10; Galuega 2:27.

    E penā foki a te pati ko te “nonu,” ne ‵fuli loa penā māfai e fakasino atu ki te vaega o te foitino ko te nonu. Kae kafai ko fakaaoga i se auala fakatusa i vaegā fuaiupu e pelā mo te Salamo 7:9 mo te 26:2 mo te Fakaasiga 2:23, a te manatu tonu i te fuaiupu e fakasino loa ki “lagonaga ‵loto” io me ko “mafaufauga ‵loto,” kae ko te pati mua e sae mai i te fakamatalaga mai lalo.

    A nisi tugapati e pelā mo te “gako” mo te “sau,” ne fai foki penā e ‵tusa mo te uiga tonu o te fuaiupu. (Kenese 45:18; Iopu 16:15) A nisi tugapati konei e fakamatala mai i te “Fakamatalaga o Pati i te Tusi Tapu.”

Nisi vaega o te lōmiga tenei:

A te lōmiga tenei o te Tusi Tapu e aofia i ei se aofaki foliki o fakamatalaga mai lalo. A fakamatalaga mai lalo e masani o aofia i ei a mea konei:

  • “Io me” Nisi auala e mafai ei o ‵fuli a te pati mai te ‵gana Epelu, Alamaika, io me ko te ‵gana Eleni telā e mafai o tuku mai i ei te manatu kātoa e tai ‵pau.—Kenese 1:2, fakamatalaga mai lalo ki te “malosi galue”; Iosua 1:8, “i se leo malalo.”

  • “Io me kāti” Nisi auala e mafai o ‵fuli ki ei se manatu tāua kae ‵kese te manatu kātoa i ei.—Kenese 21:6, “‵kata mai ki a au”; Sakalia 14:21, “se tino Kanana.”

  • “Epelu” Se ‵fuliga o te pati ki te pati mai te ‵gana Epelu, Alamaika, io me ko te ‵gana Eleni io me ko te uiga fakavae o se tugapati i te ‵gana mua.—Kenese 30:22, “faitama”; Esoto 32:9, “ua makeke.”

  • Fakamatalaga o uiga mo te māfuaga Uiga o igoa (Kenese 3:17, “Atamu”; Esoto 15:23, “Mala”); fakamatalaga likiliki e uiga ki te ‵mafa mo te fuaga o mea (Kenese 6:15, “kupita”); fakamatalaga fesoasoani i te Mataupu Fakaopoopo mo te Fakamatalaga o Pati.—Kenese 37:35, “Tanuga”; Mataio 5:22, “Kena.”

A te vaega ki mua, telā e fakaulutala penei, “Fakatomuaga ki te Muna a te Atua,” e aofia i ei se fakasologa o akoakoga faigofie i te Tusi Tapu. E ‵soko atu ki tusi mai te Tusi Tapu, ko te “Fakasologa o Tusi i te Tusi Tapu,” te “Fakasologa o Pati i te Tusi Tapu,” mo te “Fakamatalaga o Pati i te Tusi Tapu.” E fesoasoani mai a te Fakamatalaga o Pati ki tino fai‵tau ke malamalama i tugapati ne filifili aka e ‵tusa mo te lotou fakaaogaga fakapito i te Tusi Tapu. E aofia i te Mataupu Fakaopoopo A a vaega konei: “Te Auala e ‵Fuli ei te Tusi Tapu,” “ Vaega o te Lōmiga Fou Tenei,” “Te Auala  ne Oko Mai ei te Tusi Tapu ki a Tatou,” “Te Igoa o te Atua i Tusitusiga Epelu,” “Te Igoa o te Atua i Tusitusiga Eleni,” “Pokisi o Fakasologa: Pelofeta mo Tupu o Iuta mo Isalaelu,” mo “Mea Tāua ne ‵Tupu i te Olaga o Iesu i te Lalolagi.” E aofia i te Mataupu Fakaopoopo E a mape, tiāti, mo nisi fakamatalaga kolā e aoga ki tino a‵koga loto finafinau o te Tusi Tapu.

I loto i te Tusi Tapu, e maua eiloa i tusi takitasi se fakasologa o mea e maua i loto i te mataupu, fakatasi mo fuaiupu kolā e isi se sokoga ki ei, telā e mafai ei o maua ne te tino faitau se manatu tāua o te tusi kātoa. E maua i te kogaloto o itulau takitasi a nisi tusi faitau fesoasoani, kolā e fakasino atu ki fuaiupu i te Tusi Tapu kolā e fetaui ‵lei mo fuaiupu konā.