Te Tusi Muamua a Ioane 3:1-24

  • Tatou ko tama a te Atua (1-3)

  • Tamaliki a te Atua mo te Tiapolo (4-12)

    • Fakaseai ne Iesu galuega a te Tiapolo (8)

  • Fakatau a‵lofa (13-18)

  • E sili atu te Atua i ‵tou loto (19-24)

3  Onoono la ki te vaegā alofa telā ne tuku mai ne te Tamana ki a tatou,+ ko te mea ke fakaigoa tatou ki tama‵liki a te Atua!+ Kae ko fai eiloa tatou penā. Tenā te pogai e se iloa ei tatou ne te lalolagi,+ me e se iloa ne te lalolagi a ia.+  Aku fagasele, a tatou nei ko tama‵liki a te Atua,+ kae e seki fakaasi mai me ka fai pefea tatou fakamuli.+ E iloa ne tatou me kafai e fakaasi mai a ia ka fai eiloa tatou e pelā mo ia, me ka lavea tonu eiloa ne tatou a ia.  Kae ko so se tino e maua ne ia te fakamoemoega tenei e faka‵ma ne ia a ia eiloa,+ e pelā mo te tino tenei e ‵ma pakipaki.  So se tino e fai faeloa ne ia te agasala e solitulafono foki, kae ko te agasala ko te solitulafono.  E iloa foki ne koutou me ne fakaasi mai te tino tenei ke ave kea‵tea ne ia a ‵tou agasala,+ kae e seai se agasala i a ia.  So se tino e ‵kau fakatasi mo ia e se fai faeloa ne ia te agasala;+ e seai se tino e fai faeloa ne ia te agasala e seki lavea io me e seki iloa ne ia a ia.  Tama‵liki fo‵liki, ke se takitaki ‵se koutou ne se tino; a te tino e fai faeloa ne ia te amiotonu e amiotonu, e pelā eiloa mo te tino tenā e amiotonu.  A te tino telā e agasala faeloa e māfua mai i te Tiapolo, me i te Tiapolo ne agasala mai eiloa i te kamataga.+ Ko te pogai tenei ne fakaasi mai ei te Tama a te Atua, ke lepe* ne ia a galuega a te Tiapolo.+  So se tino telā e fanau mai i te Atua e se fai faeloa ne ia te agasala,+ me e nofo Tena agaga* i loto i te tino tenā, kae e se mafai o fai faeloa ne ia te agasala i a ia ko oti ne fanau mai i te Atua.+ 10  E mateagofie a tama‵liki a te Atua mo tama‵liki a te Tiapolo ona ko te mea tenei: So se tino e se fai ne ia a faifaiga o te amiotonu e se māfua mai i te Atua, e penā foki te tino telā e se alofa ki tena taina.+ 11  Me tenei te fekau ne lagona ne koutou mai te kamataga, me e ‵tau o fakatau a‵lofa tatou te suā tino ki te suā tino;+ 12  e se pelā mo Kaino, telā ne māfua mai i te tino masei kae ne tamate ne ia tena taina.+ Kae se a te pogai ne tamate ei ne ia? Me ne ma‵sei ana galuega,+ kae ne amiotonu tena taina i te faiga o ana galuega.+ 13  Sa ‵poi e oku taina, me e takalia‵lia te lalolagi ki a koutou.+ 14  E iloa ne tatou me ko oti ne o‵mai kea‵tea tatou mai te mate ki te ola,+ me e a‵lofa tatou ki ‵tou taina.+ A te tino telā e se alofa e tumau eiloa i te mate.+ 15  So se tino e takalialia ki tena taina se tino tatino,+ kae e iloa ne koutou me e seai se tino tatino e tumau i a ia te ola se-gata-mai.+ 16  Ona ko te mea tenei ko iloa ei ne tatou te alofa, me ne tuku mai ne te tino tenā a tena ola mō tatou,+ kae e ‵tau mo tatou o tuku atu ‵tou ola mō ‵tou taina.+ 17  Kae ko so se tino e maua ne ia a kope faka-te-foitino o te lalolagi kae e matea ne ia me fakaalofa tena taina kae e ita ma fakaasi atu te alofa atafai, ka tumau la pefea te alofa o te Atua i a ia?+ 18  Tama‵liki fo‵liki, e se ‵tau fua o a‵lofa tatou i ‵tou pati io me ko ‵tou gutu,+ kae i faiga kolā e fai+ mo te fakamaoni.+ 19  E auala i te mea tenei, ko iloa ei ne tatou i a tatou ne māfua mai i te munatonu, kae ka fakamautinoa* ne tatou i ‵tou loto i mua o te Atua 20  e uiga ki so se mea telā e taku fakamasei ei tatou ne ‵tou loto, me e sili atu te Atua i ‵tou loto kae e iloa ne ia a mea katoa.+ 21  Aku fagasele, kafai e se taku fakamasei tatou ne ‵tou loto, e maua ne tatou te saolotoga ke fai‵pati atu ki te Atua;+ 22  kae ko so se mea e fakatagi atu tatou ki ei ka maua eiloa ne tatou mai i a ia,+ me i a tatou e faka‵logo ki ana fakatonuga kae e fai a mea kolā e fiafia a ia ki ei. 23  E tonu, tenei eiloa tena fakatonuga: ke fakatuanaki tatou ki te igoa o tena Tama ko Iesu Keliso+ kae ke fakatau a‵lofa,+ e pelā eiloa mo tena fakatonuga ne tuku mai ki a tatou. 24  E se gata i ei, a te tino e fakalogo ki ana tulafono e tumau i te ‵kau fakatasi mo ia, kae e ‵kau fakatasi a ia mo te tino tenā.+ Kae mai te agaga telā ne tuku mai ne ia ki a tatou, ko iloa ei ne tatou me e tumau a ia i te ‵kau fakatasi mo tatou.+

Fakamatalaga mai lalo

Io me “fakaseai.”
Eleni, “me i Tena fuaga e nofo i loto i a latou.”
Io me “fakatalitonu; fakamaoni.”