Te Tusi Muamua a Ioane 2:1-29

  • Iesu, se taulaga e faka‵lei ei tatou (1, 2)

  • Fakalogo ki fakatonuga a te Atua (3-11)

    • Fakatonuga mua mo fakatonuga ‵fou (7, 8)

  • Pogai o te tusi (12-14)

  • Ke mo a e fia‵fai ki te lalolagi (15-17)

  • Fakaeteete i te fili o Keliso (18-29)

2  Aku tama‵liki fo‵liki, ko tusi atu ne au a mea konei ki a koutou ko te mea ke se fai ne koutou se agasala. Kae kafai e fai ne se tino se agasala, e isi se ‵tou tino fesoasoani telā e ‵nofo mo te Tamana, ko Iesu Keliso,+ te tino amiotonu.+  A ia ko te taulaga+ mō ‵tou agasala+ ke faka‵lei aka ei tatou mo te Atua, kae e se ko ‵tou agasala fua kae e pelā foki mo agasala a te lalolagi kātoa.+  E auala i te mea tenei ko iloa ei ne tatou a ia, māfai e faka‵logo faeloa tatou ki ana fakatonuga.  A te tino telā e fai mai, “Ko iloa ne au a ia,” kae e se fakalogo ki ana fakatonuga se tino loi, kae e se nofo te munatonu i loto i a ia.  Kae ko so se tino e fakalogo ki tena muna, ko katoatoa i loto i te tino tenei a te alofa ki te Atua.+ E auala i te mea tenei ko iloa ei ne tatou me e ‵kau fakatasi tatou mo ia.+  A te tino telā e fai mai me e ‵kau fakatasi lāua mo ia e ‵tau foki o sasale faeloa e pelā mo ia.+  Aku fagasele, e se tusi atu ne au ki a koutou se fakatonuga fou, kae se fakatonuga mua loa telā ko leva ne maua ne koutou mai i te kamataga.+ A te fakatonuga mua tenei ko te muna telā ne lagona ne koutou.  Ko toe tusi atu ne au ki a koutou se fakatonuga fou telā se mea tonu e uiga ki a ia e pelā foki mo koutou, me ko teka atu kea‵tea te pouliga kae ko leva ne maina mai te mainaga.+  A te tino telā e fai mai i a ia e nofo i te mainaga kae tela la, e takalialia+ ki tena taina e nofo eiloa i te pouliga.+ 10  A te tino telā e alofa ki tena taina e tumau i te mainaga,+ kae seai se pogai e ‵tau ei o siga a ia. 11  Kae ko te tino telā e takalialia ki tena taina e nofo i te pouliga kae e sasale i te pouliga,+ kae e se iloa ne ia te koga e fano a ia ki ei,+ me ko ‵kivi ana mata i te pouliga. 12  E tusi atu au ki a koutou, e aku tama‵liki fo‵liki, me ko oti ne fakamagalo otou agasala mō te ‵lei o tena igoa.+ 13  E tusi atu au ki a koutou, e tamana, me ko oti ne iloa ne koutou a ia ko ia tenā mai te kamataga. E tusi atu au ki a koutou, e tamataene me ko oti ne fakatakavale ne koutou te tino masei.+ E tusi atu au ki a koutou, e tama‵liki fo‵liki, me ko oti ne iloa ne koutou te Tamana.+ 14  E tusi atu au ki a koutou, e tamana, me ko oti ne iloa ne koutou a ia ko ia tenā mai te kamataga. E tusi atu au ki a koutou, e tamataene, me i a koutou e ma‵losi+ kae e tumau i a koutou te muna a te Atua+ kae ko oti ne fakatakavale ne koutou te tino masei.+ 15  Ke mo a ma fia‵fai koutou ki te lalolagi io me ko mea i te lalolagi.+ So se tino e fiafai ki te lalolagi, e se alofa a ia ki te Tamana i tena loto,+ 16  me i mea katoa i te lalolagi​—ko manakoga o te foitino+ mo manakoga o mata+ mo mea e sona fakamata‵mata ki ei a tino i te olaga*​—e se māfua mai i te Tamana, kae māfua mai i te lalolagi. 17  E se gata i ei, ka fakaseai atu te lalolagi e pelā foki mo ana manakoga,+ kae ko te tino telā e fai ne ia te loto o te Atua ka tumau eiloa ki te se-gata-mai.+ 18  Tama‵liki fo‵liki, ko te itula fakaoti tenei, kae e pelā eiloa mo te mea ko oti ne lagona ne koutou me ka oko mai te anetikeliso,*+ e tokouke a anetikeliso ko oti ne oko mai i te taimi nei,+ ko iloa ei ne tatou me ko oko mai te itula fakaoti. 19  Ne olo kea‵tea latou mai i a tatou, kae ko latou e se ne tino o tatou;+ me kafai a latou ne tino o tatou penei e ‵nofo eiloa a tino konā mo tatou. Kae ne olo latou ki tua ko te mea ke fakaasi mai i ei me e se ko tino katoa ne tino o tatou.+ 20  Kae ko oti ne fakaekegina koutou ne te tino tapu,+ kae ko maua ne koutou katoa te poto. 21  E tusi atu au ki a koutou, e se ona ko te mea e se iloa ne koutou te munatonu,+ kae ona ko te mea e iloa eiloa ne koutou, kae ona foki ko te mea e seai se loi e māfua mai i te munatonu.+ 22  Ko oi te tino loi, e se ko ia telā e fakafiti ne ia i a Iesu ko te Keliso?+ Tenei eiloa te anetikeliso,+ ko te tino telā e fakafiti ne ia te Tamana mo te Tama. 23  A te tino telā e fakafiti ne ia te Tama e se maua ne ia te Tamana.+ Kae ko so se tino e talitonu ki te Tama+ e maua foki ne ia te Tamana.+ 24  Kae e pelā mo koutou, a te mea telā ne lagona ne koutou i te kamataga e ‵tau o tumau i loto i a koutou.+ Kafai e tumau i a koutou a te mea telā ne lagona ne koutou i te kamataga, ka ‵kau fakatasi foki koutou mo te Tama fakatasi mo te Tamana. 25  E se gata i ei, tenei eiloa te mea ne folafola mai ne ia ki a tatou​—ko te ola se-gata-mai.+ 26  E tusi atu ne au a mea konei ki a koutou e uiga ki a latou kolā e taumafai o takitaki ‵se koutou. 27  Kae e pelā mo koutou, a te fakaekega telā ne maua ne koutou mai i a ia+ e tumau eiloa i a koutou, kae e se manakogina ke akoako koutou ne se tino; me e akoako eiloa koutou ne te fakaekega tenā mai i a ia e uiga ki mea katoa,+ ne mea ‵tonu eiloa, kae e seai se loi i ei. Ke tumau koutou i te ‵kau fakatasi mo ia e pelā eiloa mo tena akoakoga ki a koutou.+ 28  Tela la, e tama‵liki fo‵liki, tumau i te ‵kau fakatasi mo ia, me kafai ko fakaasi mai a ia ko mafai o maua ne tatou te saolotoga o fai‵pati atu+ kae e se ‵tele kea‵tea mai i a ia mo te masiasi i tena fakatasi mai. 29  Kafai e iloa ne koutou i a ia e amiotonu, ko iloa foki ne koutou i tino amio‵tonu katoa ne fa‵nau mai i a ia.+

Fakamatalaga mai lalo

Io me “faipati fakamatamata ki ana kope.”
Tena uiga “te fili o Keliso.”